Александр Хомяков: "Ғалаба учун бармоғимни чопишга рози эдим!"
05 апр 2014 19:34
Янгиликлар

Александр Хомяков: "Ғалаба учун бармоғимни чопишга рози эдим!"

"Машъал" - "Пахтакор" учрашувидан сўнг ташкил этилган матбуот анжуманида иккинчи бўлиб майдон эгалари устози иштирок этди.

"Агар бугун бармоғимни чопишни ва "Машъал" ғалаба қозонишини айтишганида мен бармоғимни чопишга тайёр эдим. Бироқ рақиб биздан устунлик қилди. Олдинда биз муаммоларга дуч келдик. Учта ҳужумчи бўлиб ўйнашга уринсак ҳам атига иккита имкониятга эга бўлдик холос. Гол урмасак ғолиб бўла олмаймиз", - деб гап бошлади Александр Хомяков.

- Рақиб биздан индивидуал маҳорат борасида устун бўлишди. Улар битта имкониятдан фойдалана олишди ва гол уришди. Ўша 10-рақамли футболчини (Жамшид Искандеров) марказга ёриб кириб зарба бера олишини билардик. Бироқ уни ушлаб қололмадик.

- Ҳеч кимга эътирозим йўқ, биронта футболчини ажратиб кўрсатмоқчи эмасман. Тўғри қишда биз сунъий текис майдонларда ўйнаб тайёрланамиз. Баҳор келгач табиий майдонларда ўйнаймиз. Ҳозирга қадар 4та ўйин ўтказдик, уларнинг учтасида яроқсиз майдонда ҳаракат қилдик.

Ҳавола :

Манба : championat.asia

Янгиликларни Телеграмда ўқинг!

Рейтинг: