Александр Хомяков: "Бир нечта позицияларни кучайтиришимиз керак"

Дастлаб Руминиянинг “Селимбар” жамоаси билан 0:0 ҳисобида дуранг ўйналди. Иккинчи назорат учрашувида Грузиянинг “Сабултаро” клубига 1:2 ҳисобида имконият бой берилди. 

Беллашувлардан кейин “Андижон” бош мураббийи Александр Хомяков клуб матбуот хизматига ўз фикрлари билан ўртоқлашди.  

“Дастур бўйича ишламоқдамиз, ўйинлар ўтказяпмиз. Рости, бошқача ўйин кутгандим. Биринчи учрашувни яхши бошладик. Кейин эса бироз чарчаб қолдик. Иккинчи бўлимда кўпроқ имкониятлар яратдик, лекин яна хужумларни якунлашда муаммо бор. Ҳужумларсиз ўйнаш жуда қийин, албатта. 

Иккинчи ўйинда Грузия жамоаси кучлироқ эди, руминларга қараганда. Умумий олганда, ёмон ўйин кўрсатмадик. Грузин жамоалари доим ўйинларда хукмронлик қилган. Биринчи бўлимда катта устунликда ўйнашга ҳаракат қилдик. Иккинчи бўлимда ҳимоядан ўйнадик, улар бундан фойдаланиб, иккита гол киритди. Асосий муаммо - бу ҳужумларнинг якуни йўқлигида. Ҳали вақт бор, олдин айтганимдек бир қанча позицияларни кучайтириш керак. Яқин вақтларда амалга ошади, ҳужумларни якунловчи ўйинчиларни кўрамиз, албатта”, - дейди Александр Андреевич.