Александр Хомяков: "Аргентинадан футболчи келиши? Миш-мишларни муҳокама қилмайман. Фақат..."

"Бундай рақибга қарши очиқ футбол ўйнаш режасини қўлладик. Ўйинни асосий дақиқасида биз назорат қилдик, деб ўйлайман. Тўғри, катта ҳисоб қайд этилди. Умуман олганда, ёмон кўринмадик. Рақиблар биз фойдалана олмаган вазиятлардан фойдаланиб кетди. Даражаси баланд рақиблар билан ўйинларда фақат тажриба оламиз. Кучли жамоалар билан қанча кўп ўйнасак, шунча яхши. Муносиб рақиб, яхши ўйин. Кўнглим тўлди", – дейди Александр Хомяков. 

- Легионерлар ҳақида...

- Таркибда 2 нафар грузиялик, 1 нафар украиналик легионер бўлиб турибди. Легионер дарвозабонимизнинг бироз тоби йўқ. Футболчилар яхши сараланган, фақат функционал ҳолатни тўғрилаш керак. Бунинг иложи бор. Уларда катта тажриба бор, яхши жамоаларда ўйнашган. 

- Аргентинадан футболчи келиши ҳақида турли гап-сўзлар бор...

- Миш-мишларни муҳокама қилмайман. Фақат фактларга қарайман. Шу боис изоҳсиз қолдираман. Фақат Шаҳбоз Эркинов билан бирга ўйнайдиган ҳужумчига эҳтижимиз бор.