Александр Гейнрих: “Таиландга қарши учрашувда натижа муҳим эмас”

“Таиланд терма жамоаси билан ўртоқлик учрашуви ЖЧ саралаш 3-босқичи доирасидаги Эронга қарши учрашув олдидан яхши тайёргарлик вазифасини ўтаб беради. Таиландга қарши учрашувда натижа муҳим эмас. Асосийси Эронга қарши баҳс олдидан оптимал формага кириб олсак бўлгани. Бу билан Таиландга мағлуб бўлсак ҳам бўлаверади дегани эмас. Жаҳон чемпионатига бормоқчимизми, демак бизда бошқа йўл йўқ. 

Эрондан фақат ғалаба билан қайтишимиз керак. Кўпчилик мухлислар Эрон терма жамоасининг таркибидан ҳавотирланаётган эмиш. Футболда фамилиялар рол ўйнамайди. Бизда ҳам кучли футболчилар бор. Биз улардан қўрқмаймиз. Фақат ғалаба қозониш учун майдонга чиқамиз. Аввалги саралаш босқичида Эрон терма жамоасини ўз уйида мағлубиятга учратган эдик. Бу сафар ҳам мана шу натижани такрорлашга ҳаракат қиламиз”, - дейди Александр Гейнрих.

Жаҳонгир Сотволдиев суҳбатлашди