Алан Ширер: “Рики Ламберт Бразилияга бориши керак”
10 май 2014 12:24
Янгиликлар

Алан Ширер: “Рики Ламберт Бразилияга бориши керак”

Англия терма жамоасининг собиқ сардори Алан Ширер яқинда матбуотга интервью бериб, “Саутгемптон” ҳужумчиси Рики Ламберт жаҳон чемпионатига бориши кераклигини айтиб ўтди.

“Уч шерлар” бош мураббийи Рой Хожсон Англия премьер-лигаси тугаши арафасида якуний таркибни маълум қилмоқчи. Эртага МЮ сафарда “Саутгемптон” билан куч синашади ва бу ўйинда айрим сабабларга кўра Уэйн Руни иштирок эта олмайди.

Алан Ширернинг фикрича, айни пайтда Рики Ламберт яхши формада ва уни Рунига ўринбосар сифатида ЖЧ-2014га олиб кетса бўлади. Терма жамоа устози эса Дэнни Уэлбек, Даниэль Старриж, Энди Кэррол, Жермейн Дефо сингари ҳужумчиларни якуний рўйхатга жалб қилмоқчи.

- Катта мусобақаларда Англия учун пенальтилар серияси ҳар доим муҳим келган. Рики Ламберт эса 11 метрлик нуқтадан бериладиган жарима зарбаларни ажойиб тарзда амалга ошириши билан ажралиб туради. Бу ҳужумчининг “Саутгемптон” сафида пенальтилардан қандай фойдаланаётганига бир қаранг, унга ҳавас қилсангиз арзийди”, - дейди Ширер. - Бизда ҳозир тўртта яхши ҳужумчи бор. Булар - Руни, Уэлбек, Старриж ва Ламберт.

Ҳавола :

Манба : championat.asia

Янгиликларни Телеграмда ўқинг!

Рейтинг: