"Ал Иттиҳод" бош мураббийи: "Бир очкони қўлга киритганимиздан хурсандмиз"
22 апр 2019 20:19
Янгиликлар

"Ал Иттиҳод" бош мураббийи: "Бир очкони қўлга киритганимиздан хурсандмиз"

ОЧЛ-2019 доирасидаги "Локомотив" - "Ал Иттиҳод" учрашувидан кейинги матбуот анжуманида дастлаб меҳмонлар устози Хосе Луис Сьерра қатнашди.

Биз жуда яхши ўйин ўтказдик. Гол уриш учун жуда кўплаб имкониятларга эга бўлдик. Лекин вазиятлардан фойдалана олмадик, бир очкони қўлга киритганимиздан хурсандмиз. Аммо бугун ғалаба қозонишимиз ҳам мумкин эди", - дейди Луис Сьерра.

- Гуруҳдан чиқиш имкониятларини қандай баҳолайсиз?
- Олдинда яна иккита ўйин бор. Шу боис ҳозирдан бир нарса дейиш қийин.

- Жамоа нафақат ОЧЛда балки миллий чемпионатда ҳам кўплаб вазиятлардан фойдалана олмаяпти...
- Мураббий сифатида бунга қўшилмайман. Аммо фикрингизни ҳурмат қиламан. Гол уриш учун имконият бўлмоқда. ОЧЛда 4та ўйинда 10та гол урдик ва буни жуда яхши кўрсаткич деб ўйлайман.

- "Локомотив" 10 киши бўлиб қолганидан кейин ҳам биринчи рақамли жамоага айланмади ва ҳужумга ўтмади. Бу ерга дуранг учун келганмидинглар?
- Бу сизнинг шахсий қарашингиз.

- Гуруҳдаги қайси клуб сиз учун энг хавфли жамоа?
- ОЧЛда барча клублар кучли.