Акром Комилов: “Сардор Рашидовни ҳар томонлама яхши биламан”

Бугунги ўйин олдидан “қалдирғочлар” ҳимоячиси Акром Комилов ўз фикрларини билдирди.

“Ушбу учрашувда ғалаба қозониш учун ҳар тарафлама тайёргарлик кўрдик. Ташкил этилган йиғинларни яхши ўтказдик ва рақибимизни ҳар томонлама ўрганиб чиқдик. Жамоамизда ҳеч қандай йўқотишлар йўқ. Бугунги баҳсга ҳамма 100 фоиз тайёр. “Ал Жаиш” клуби жуда ҳам кучли, лекин биз фақат ғалаба қозониш учун майдонга тушамиз. Бизни фақат ғалаба қаноатлантиради. Собиқ жамоадошим Сардор Рашидовга қарши ўйнашимдан хурсандман. Бугунги учрашув иккимиз учун ҳам қизиқарли бўлади. Рашидовни кучли ва кучсиз томонларини яхши биламан. Бугунги ўйин қандай кечишини олдиндан билиб бўлмайди. Очиғини айтсам баҳс осон бўлмаслиги аниқ. Шунга қарамай ғалаба қозониш учун барча имкониятлардан фойдаланамиз”, - дейди “Бунёдкор” ҳимоячиси Акром Комилов.