Акмал Холматов: "Диёр Холматов майдонга тушганда ичимдан нима ўтганини ўзим биламан"
01 фев 21:00
Янгиликлар
Акмал Холматов: "Диёр Холматов майдонга тушганда ичимдан нима ўтганини ўзим биламан"
Таиланд билан ўйиндан аввал Отабек Шукуровнинг жароҳат олгани дилимизни ҳира қилган бўлса, Диёр Холматовнинг дебютидаёқ голга қойилмақом ассистенлик қилгани кўнглимизни шунча кўтарди. Ўз ўғлининг терма жамоа либосида илк бор кўрган Акмал Холматовнинг фикрлари қандай?
- Таиланд билан ўйинни ҳар доимгидек яхши бошладик ва биринчи бўлиб гол урдик. Голгача ҳам хавфли вазиятларимиз етарлича бўлди. Бундан кейин ҳам гол урмасак бўлмасдида. Фақат вазиятлардан фойдалана олмаяпмиз. Биз кучли терма жамоамиз. Буни кўрсатяпмиз ҳам. Биринчи голдан сўнг хотиржамликка берилишдими ёки бошқа сабабми тезда жазоланишди. Хурсанд қилгани яна ўйинга қайтишди ва ғалаба голини уришди. Шу куни Ўзбекистон кучли эди ва ҳақли ғалабага эришди.
- Диёр Холматовга келсак, унинг учун хурсандман. Ота учун бундан ортиқ бахт бўлмаса керак. Фикримча, унинг дебюти яхши чиқди. Диёр шунчаки ўз профессионал ишини бажарди, тамом. Ғалабага ўз ҳиссасини қўшди. Пас берган пайтда ва голдан кейинги ҳолатда ичимдан нима ўтганини ўзим биламан. Ишончим комил, Диёр юртимиз байроғини юқорига янада кўтаради. Нима бўлганда ҳам ишлашдан тўхтамаслиги керак. Ҳаяжон? Диёр майдонга тушганда албатта менда ҳаяжон бўлади. Нима ҳам дердим хурсандман.
- Қатар билан ўйинда устунлигимиз ҳамжиҳатликда. Йигитларга ортиқча гап ёки мотивация керакмас. Улар масъулиятни тушуниб туришибди. Тўғри, Қатар мезбон. Лекин бошқа терма жамоалар ҳам Ўзбекистондан қўрқиб турибди. Улар жароҳат олган дўстлари, жамоадошлари учун ҳам ютишлари шарт. Омад ёр бўлсин.
- Тожикистоннинг бу натижаларини кутилмаган ёки кашфиёт демаган бўлардим, чунки уларда футболга эътибор ошган. Терма жамоа, футболчилар кучайган. Кучли мураббий, яхши психолог, мотиватор ишлаяпти. Иордания билан ўйинда Тожикистоннинг имкониятлари юқори. Яна қайтараман, финалда Ўзбекистон - Тожикистонни кўрсам хурсандчилигимнинг чеки бўлмайди.
Фикрлар
Ким нима деса десину жуда купчилик қатори узим хам уз жамоамга мухлислик қилгандек курвомман.
Финалга чиқсак бу хақиқий эртак буларди.
20 yil Uzbekiston jamolarida òynagan
Uzb fuqoroligini olgan
Albatta yurtim diyishga haqli
Mana òĝli ham Uzb milliy jamoasida
Akmalaka uzoq umr kurin
Shunday farzand o'stirganingizga raxmat.
Farzandlaringiz baxtu kamolini ko'ring. O'g'lingiz ham Jahonning Grand jamoalarida to'p surib, MTJ ning shonli g'alabalarida ancha yillar yelkadosh bo'lsin.
"Ot o'rnini toy bosar"
#OLĞA_ÖZBEKISTON #OLĞA_OQ_BÖRILAR
#OMAD_TOJIKISTON_MTJ