Акинфеев ва Смолов нега терма жамоага чақирилмади? Черчесов тушунтирди
27 авг 2018 18:45
Янгиликлар

Акинфеев ва Смолов нега терма жамоага чақирилмади? Черчесов тушунтирди

Россия терма жамоаси бош мураббийи Станислав Черчесов Туркия ва Чехияга қарши бўлиб ўтадиган ўйинлар учун миллий жамоа таркибига Игорь Акинфеев ва Фёдор Смоловни нега чақирмаганини тушунтирди.

"Нега Акинфеев таркибда эмас? Бир неча кун олдин у билан суҳбатлашдик. Игорь Германияда тиббий кўрикдан ўтиши керак.

Смолов? У яқиндагина янги жамоага ўтди. Жамоасини ўзгартирган футболчига тегмасликка қарор қилдик. Ҳозир унинг атрофида гап-сўз кўп. Дзюба "Арсенал"га ўтганида ҳам шундай қилганмиз" - дейди Черчесов.

Туркия ҳамда Россия ўртасидаги Миллатлар лигаси учрашуви 7 сентябрь куни Трабзон шаҳрида бўлиб ўтади. 3 кун ўтиб, 10 сентябрда Россия "Ростов Арена"да Чехияни қабул қилади.

Ҳавола :

Манба : Championat.com

Янгиликларни Телеграмда ўқинг!

Рейтинг: +6