Акбар Усмонов: "Ҳозирча Мендез пенальтиларни менга ишонаяпти"

Вакилларимизнинг 5:3 ҳисобидаги ғалабаси билан якунланган ўйиндан кейин терма жамоамиз таркибида тўртта тўп киритган Акбар Усмонов фикрларини билдириб ўтди.

"Бугун ҳам жуда оғир ўйин бўлди. Лекин, кечагидан керакли ҳулосалар чиқарган ҳолда тайёргарлик кўрган эдик ва бу ўз натижасини берди. Гарчи анча қийналган бўлсак ҳам, йигитлар астойдил ҳаракат қилишгани учун ғалабани қўлга киритдик деб ўйлайман. Бундан ташқари, бош мураббийимиз аниқ кўрсатмаларни берган эди, шу нарса ҳам ғалаба омили бўлди.

Кечаги учрашувга уларнинг ўйин услубидан умуман бехабар ҳолда тушган эдик, бугун эса қўшниларимиз ҳақида тушунча бор эди.

Пенальти ва дабл пенальтиларда ҳозирча Мендез менга ишонч билдирмоқда ва мен бу имкониятдан фойдаланаяпман", - дейди Акбар Усмонов.