Акбар Исматуллаев: "Бизни осон бўлмаган ўйин кутмоқда"
01 апр 2016 09:57
Янгиликлар
![](https://championat.asia/upload/storage/203316_original.jpg)
![](/upload/storage/203316_220.jpg)
Акбар Исматуллаев: "Бизни осон бўлмаган ўйин кутмоқда"
"Пахтакор" Чемпионлар лигасида 15 мартда ўйнагач, Бухородаги беллашувгача расмий ўйинда иштирок этмади. Тайёргарлик жараёни хусусида Акбарнинг фикри қуйидагича бўлди.
- Жамоа билан шу муддатда навбатдаги учрашувларга яхши тайёрланишга интилдик. Олдинда бир қатор муҳим ўйинлар кутмоқда. Расмий баҳслар етишмовчилигини машғулотларда жиддий тер тўкиш орқали меъёрга келтиришга уриндик. Терма жамоа таркибига бир неча футболчилар чақирилди, лекин "Бухоро" билан ўйинга тайёрмиз.
Рақиб сафида 2016 йилги мавсум олдидан кузатилган ўзгаришлар тўғрисида ярим ҳимоячи шундай таъкилади.
"Рақибимиз таркибини ўтган йилгига нисбатан анча кучайтирди. Яхши савиядаги ўйинчилар жалб этилди. Уларнинг "Обод" билан Тошкентдаги беллашувини томоша қилдим. "Бухоро" жамоавий ўйинни шакллантиришга уринмоқда. Жамоага таклиф этилган футболчилар фойда келтиришга ҳаракат қилишяпти. Бизни кескин ва осон бўлмаган тўқнашув кутмоқда".
Ўтган йили Бухорода кечган учрашувда Исматуллаевнинг тўп оширишидан кейин Чипев ўз дарвозасини ишғол қилган ва Акбар деярли гол муаллифига айланганди. Бу унга ўйин арафасида қўшимча иштиёқ берадими?
- Ўтган йилги беллашувни яхши эслайман. Ўшанда жарима тўпини тепганимдан кейин мезбонлар вакили ўз дарвозасини ишғол қилганди. Бу сафар ҳам жамоамга шундай фойда келтиришга уринаман. Аввалги муваффақият қўшимча иштиёқ беради. Насиб қилса, бу гал ҳам ғалаба қозонишга интиламиз.
Ўхшаш янгиликлар
![AMP Logo](https://championat.asia/image/logo-amp.png)
Фикрлар