"Аҳволимиз яхши, фақат чўкяпмиз..."
29 июл 15:35
Янгиликлар
Мусобақалар якунига қадар 10 кун бор, бироқ бизни асосий умидларимиз сифатида кўрилган бокс терма жамоамизнинг тўрт нафари мусобақа билан хайрлашиб бўлди. Мусобақаларнинг илк даврасидан сўнг Санжар Турсунов ва Миразиз Мирзаҳалилов турнирни тарк этган бўлса, Фанат Қаҳрамонов ва Дилшодбек Рўзметов иккинчи даврадан сўнг турнир билан хайрлашди. Барча Токиода Риодаги натижаларни такрорлашимиз қийинлиги ҳақида айтишганди, бироқ бу даражада ёмон натижа бўлишини ҳеч ким кутмаганди.
Нега бундай бўлмоқда?
1. Жисмоний ҳолат яхши эмаслиги:
Ўзбек боксчиларининг жангларидан кўриб турибдики, боксчиларимизнинг жисмоний ҳолати мукаммал ҳолатда эмас. Буни Фанат Қаҳрамонов, Санжар Турсуновда яққол кўринмоқда. Жангнинг дастлабки раундларидан сўнг "ўчиб" қолишмоқда.
2. Ўқув-йиғин машғулотлар ҳаддан ташқари кўпайиб кетгани.
Қозоғистон терма жамоаси собиқ бош мураббийи Турсингали Эдилов қозоқларнинг омадсизларига асосий сабаб сифатида ҳаддан ташқари ортиқча ўқув-йиғин машғулотлар эканлигини айтганди. Бу ҳолат бизда ҳам содир бўлди. Битта машғулотдан сўнг, кейингиси бошланди, кейин яна... Бу ҳолат спортчиларни зериктириб қўйиши аниқ.
Спортчиларимиз якка тартибда ҳам шуғулланиб туришлари лозим эди деб ўйлайман...
3. Таркибни танлашдаги хатоликлар:
Кўпчилик танқид қилган вазнлар: -75, -63, -91 кг вазнлар аввалдан таҳмин қилинганидек ўзларига берилган имкониятдан фойдалана олишмади. Тўлқин Қиличевга бу борада жуда кўп саволлар берилди. Унинг жавоби битта: Уларнинг рейтинги баланд ва шу сабабли қуръа уларга омадли келади деганди. Шу ўриндда иккита савол туғилади! Агар бошқа боксчиларга имкон бермаса, қандай қилиб рейтинг очко тўплашади? Кейин рейтинги баланд деб олиб кетилган боксчиларимиз, барибир илк давралардан кучли боксчиларга тушиб қолдику!
4. Руҳий томондан яхши тайёрланмаганлиги:
Ҳозирги даврда психолиг атамаси спортда жуда муҳим ҳисобланади. Барча ташкилотларда шундай лавозим жорий этилган. Бироқ бокс терма жамоасининг шахсий психолиги йўқ! Қандай қилиб?
Терма жамоамиз мураббийларидан бири Фаррух Қиличев Дилшодбек Рўзметовнинг мағлубиятига асосий сабабларидан бири боксчимизнинг биринчи раунддан сўнг руҳий аҳволи ёмонлашгани ва шу сабабли жангнинг қолган қисмида яхши ҳаракат қилмаганини айтди. Шунча штабга жой топилганида, психологга жой топилмаслиги ғалатироқ... Мураббийларга бу ҳақида ҳам савол берилганди. Жавоб оддий! Ҳеч бир психолиг мураббийдан яхшироқ руҳиятини кўтара олмайди. Лекин у замонлар ўтиб кетгандек. Ривожланишни истасак, янгиликлар қилишдан қўрқмаслик керак.
5. Спортчиларимиз ҳаддан ташқари ўзларига ишониб юборишди
Бу ҳам бир катта сабаб. Сўнгги йилдаги омадли юришларидан сўнг боксчиларимиз ўзларини енгилмасдек ҳис қилишни бошлашди, назаримда. Ўзига ишониш яхши, бироқ рақибни менсимаслик ёмон оқибатларга олиб келиши мумкин. Фанат Қаҳрамонов бугунги жангда ўзига ҳаддан ташқари ишониб юборди ва қўлини тушириб жанг қилди. Оқибатда эса...
Нима бўлган тақдирда ҳам терма жамоамизга охирга қадар ишонишда давом этамиз!
Ўхшаш янгиликлар
championat.asia
Ўзбекистон Мисрни мағлуб этиб, тарихда илк бор плей-оффга йўл олди
АПЛ. Де Хеа 90+5-дақиқада пенальти қайтарган ўйинда МЮдан камбэк!
Суперлига. "Навбаҳор" Яйпанда кичик ҳисобда "Турон"ни мағлуб этди
Суперлигада суперсенсация! "Пахтакор" мавсумдаги илк мағлубиятини сўнгги ўриндаги "Андижон"дан қабул қилди
Фикрлар
Шу жойда шахсан мен Миразизбек Мирзахалиловни ютказди деб ўйламайман. Уни шунчаки ифлос, порахур хакамлар нинг адолатсиз қарорлари олипиада бахсларидан чиқард.
Ха дўстлар Хакамлар бизни бир медалдан жудо қилди. Бахсни кўрган бўлсангиз ўша Ирландияликни 1 та қошлари ёрилиб бурни устидан ёрилиб бутун киндигигаса қонлари оқиб туши. Бу жойда номард хакамлик ва адолатсизлик устун келди.
Boks termamizda, Fanat va Sanjar ortiqcha edi. Qolganlari hammasidan medal kutsak bo'lar edi.
Mirzabek Mirzahalilovni hakamlar atayin sindirishdi. Bu esa qolgan bokschilarga juda yomon tasir qiladi. Ro'zmetov 1 raundni yaqqol o'ziniki qilgandi. Ammo isqirt hakamlar anavy kubalik orabayjonga berishdi.
Natijada Dilshod 2 va 3 raundda juda asabiylashgani juda sezildi.
Hurmatli maqola avtori. Sport TV kanalini tomosha qilgan bo'lsangiz. Hozir AiBA va olimpiya qo'mitasi o'rtasida kelishmovchilik ketmoqda. AIBA boks JCH ni Olimpiadadan ham ommaviy va qiziqarli qilmoqchi, bu yo'lda "prizovoy fondni" ko'tarishmoqchi. Olimpiada qo'mitasi esa bu yo'lda bazibir sabablarga ko'ra kuclhli bokschilarni 1 turdayoq bir biriga ro'baro' qilmoqda.
DzyuDo da ham shunday bo'lmoqda. Darhol ikkinchi turdayoq, Jakhon yoki Osiyo chempionlariga ro'baro' bo'lishmiqda.
Olimpiada Boks hakamlari shunday davom etsa. Kuchli bokschilar Olimpiadaga kelishmasa kerak.
Shahsan man Mirzabek va Ro'zmetovga qarshi hakamlarning qilmishidan shokdaman. Olimpia qo'mitasi huddi medallar uchun kvota belgilagandek. Tokioda Boks bahslarini gimnastika bo'yicha mutahasis tashkillashtirgan ekan! Hakamlarni orasida umuman boksga aloqasi bo'lmagan mutahasislar bor ekan!