Агарда шартномани узайтирмаса "Барселона" Дембелени қишда сотиб юборади

Жамоа бош мураббийи Роналд Куман хавбекни режаларига киритмаган ва шу боисдан клуб уни сотиб юбормоқчи эди. Аммо Дембеле "Барса"дан кетишни истамади.

Яқин вақтлар ичида раҳбарият ва футболчи ўртасида суҳбат бўлиб ўтади. Агарда у шартномани узайтиришни истамаса, қишда сотувга қўйилади.

Каталония клуби футболчини 2017 йилда Дортмунднинг "Боруссия"сидан сотиб олганди. Унинг клуб билан шартномаси 2022 йилга қадар амал қилади.

"Барселона" ўша пайтда футболчини 100 млн еврога сотиб олганди. Ҳозир эса уни 50 млн евро эвазига ҳам сотиб юборишга тайёр турибди. Ёзги трансферлар ойнаси вақтида унга "Манчестер Юнайтед" томонидан жиддий қизиқишлар бўлганди.