Агар Касильяс "Порту"га ўтса, "Реал" унга 15 млн. евро тўлашига тўғри келади

Сўнгги соатларда музокаралар ижобий тус олди. "Порту" Испания терма жамоаси посбонига йилига 5 млн. евро маош тўлашга тайёр. Шартнома муддати 2+1. Португалияликлар Касильясга пул ишлатмаслик учун, дарвозабоннинг эркин агент бўлишини истаяпти. Маълумотларга кўра, "Қироллик клуби" Касильяснинг клубдаги хизматларини ҳисобга олиб бу ишни бажаришга тайёр. Аммо Касильяс "Порту"да "Реал"дагидан кам ишлаб топмоқчи эмас. Унинг "Реал" билан 2 йиллик шартномаси бор ва посбон ҳар бир мавсум учун 13 ва 12 млн. евро ишлаб топади. "Порту" Касилясга икки йил ичида 10 млн. евро тўлаб беради, демак "Реал" қолган 15 млн. еврони ўз бўйнига олиши керак.