А ПРО-Лига. “Истиқлол” Фарғонада “Шўртан”ни мағлубиятга учратди (батафсил шарҳ)

Учрашув мезбонларнинг фаол ҳужумлари билан бошланди. Биринчи бўлимнинг 4-дақиқасидаёқ “Истиқлол” футболчиси “Шўртан” дарвозасини ишғол қилди – 1:0.Учрашувнинг 33-дақиқасида мезбонлар футболчиси Сардорбек Сотволдиев “Шўртан” дарвозасига гол киритиб, ҳисобни 2:0 кўринишига келтириб қўйди. Орадан бир оз вақт ўтиб, аниқроғи 38-дақиқада меҳмонлар футболчиси Ҳасанбой Эргашев тасодифан ўз дарвозасига тўп киритиб қўйди - 3:0. Биринчи бўлим шу ҳисоб билан якунига етди.

Иккинчи бўлимда “Шўртан” вакиллари ҳужумкор ўйин намойиш этдилар. Ғузорликларда мезбонлар дарвозасига гол киритиш учун қулай вазиятлар юзага кела бошлади. Ниҳоят учрашувнинг 87-дақиқасига келиб, “Шўртан” жамоаси вакиллари ҳисобни қисқартиришга муваффақ бўлдилар. Бу вазиятда меҳмонлар футболчиси Шерзод Темиров томонидан йўлланган кучли зарба “Истиқол” дарвозаси тўридан жой олди – 3:1. Учрашув шу тариқа “Истиқлол” жамоасининг ғалабаси билан якунланди.


ПРО-Лига. "А" гуруҳи.
7-тур
«Истиқлол» – «Шўртан» 3:1 (3:0)
Голлар: Жасурбек Эрмаматов 4 (1:0), Сардорбек Сотволдиев 33 (2:0), Ҳасанбой Эргашев автогол 38 (3:0), Шерзодбек Темиров 87 (3:1)
Ҳакамлар: Э.Турсунов, О.Қосимов, Ф.Йўлдошев, М.Фозилов
Назоратчи: М.Саидқосимов.
Комиссар: А.Файзиев
«Истиқлол»: Рустам Нартаджиев, Фарруҳ Иброҳимов, Жасур Эрмаматов, Улуғбек Худобердиев, Сардор Тельяков, Рустам Абдуҳамидов, Анвар Хожимирзаев, Сардор Сотволдиев, Файзулло Жуманқўзиев, Элдор Эргашев, Умид Қодиров
Захира: Жасур Абдуллаев, Тимур Султонов, Абдуқодир Артиқов, Абдуҳолиқ Қурбонов, Риза Айвазов, Анвар Бердиев, Элёр Мамасолиев, Элёр Акбаров
"Шўртан": Акмал Раҳимов, Нурали Падаров, Ҳасанбой Эргашев, Суннатилла Мамадалиев, Ҳожимурод Холмуродов, Олимжон Каримов, Маъруфхон Муродов, Акрам Баҳромов, Юсуф Бўриев, Самандар Шодмонов, Шерзод Темиров.

Бекзод Толибов тайёрлади.