"8+3". Ўзбек футболидаги энг омадсиз шахс ким?

Бу гал собиқ футболчи,  Ўзбекистон футболчилар уюшмаси рахбари Камолиддин Мурзоев билан суҳбатлашдик. Унга футболга оид 8, футболдан ташқари 3та савол билан мурожаат қилдик.

- Сиз ўйинларини бевосита кузатган энг кучли футболчи ким?

- Яқинда ПСЖнинг ўйинини кузатдим. Рости, Верратти умуман бошқа дунё. Месси, Мбаппелар жуда кучли футболчи эканлиги барчага маълум. Аммо Марко Верраттининг майдонда бажарадиган вазифаси ундан кам эмас.

- Сиз бирга ўйнаган  футболчилар орасидачи?

- Ривалдо. 

- Сиз кўрган энг чиройли гол қайси?

- Роберто Карлоснинг Францияга урган голини энг чиройли деб айтсак бўлади.

- Футбол оламида бошқалардан мутлақ ажралиб турадиган шахс ким? 

- Зидан. У ўзини ҳам футболчи, ҳам мураббий сифатида кўрсата олди. 

- Ўзбекистон терма жамоасини бошқарган энг кучли мураббий ким?

- Убиражара Вейга да Силва

- Ўзбек футболидаги энг омадсиз шахс ким?

- Бугунги кунда ўзбек футболидаги ҳакамларни омадсиз дейиш мумкин. Чунки, уларга қарши негатив фикрлар кўпайди. 

- Сиз бевосита стадиондан кузатган энг охирги ўйин?

- ПСЖ (3:1) "Нант. 

- Қайси жамоага мухлислик қиласиз?

- Кўп йиллардан бери "Реал Мадрид"нинг мухлисиман. 

- Ҳаётдаги кумирингиз ким?

- Отам - ҳаётдаги ягона кумирим.

- Ўзингизга ёқмаган тарафингиз қайсилар? Камчиликларингиз...

- Эринчоқлигим ва ўйламасдан ҳақиқатни юзига айтиб юборишим.

- Ҳаётингизнинг бурилиш нуқтаси сифатида қайси воқеани эслайсиз?  

- 2006 йил Қатарда ўтказилган Осиё ўйинларида захирадан майдонга тушганман. Шу воқеани ҳаётимнинг бурилиш сифатида эслайман. 

"8+3". Катанец — хато танлов (18-сон)