8:1 — "Сити"нинг шармандали мағлубиятига 13 йил тўлди

"Шаҳарликлар" айни пайтда жаҳоннинг энг кучли жамоаларидан бири. Аммо, ҳамма вақт бундай бўлмаган. Клуб араб инвесторлари қўлига ўтишидан олдин еврокубоклар йўлланмаси учун курашишга ҳам қийналарди. Жамоа тарихида оқ саҳифалар бошланишидан олдин бир қатор уятли мағлубиятлар ҳам бўлган. Шундай ўйинлардан бири бундан роппа-роса 13 йил олдин ўтган эди.

2008 йилнинг 11 майида "Мидлсбро" майдонида меҳмон бўлган Свен Йоран-Эрикссон "Сити"си 1:8 ҳисобида имкониятни бой бериб қўйган эди. Ҳисобнинг бу қадар йириклашиб кетишига "шаҳарликлар" ҳимоячиси Ричард Даннинг 15-дақиқада майдондан четлатилиши сабаб бўлган. Қуйидаги видеолавҳада ўша учрашувда урилган голларни томоша қилишингиз мумкин.