6 январь Англия учун яна бир тарихий кун бўлади
08 дек 2017 11:58
Янгиликлар

6 январь Англия учун яна бир тарихий кун бўлади

"Брайтон" ҳамда "Кристал Пэлас" ўртасидаги Англия Кубогининг 3-босқич ўйинида видеоассистент тизими (VAR) синовдан ўтказилади.

Бу ушбу тизимнинг Англияда илк бор фойдаланилиши бўлади.

Баҳс бош ҳаками баҳсли гол, пенальти ва қизил карточкали вазият содир бўлган вақтларда VAR тизимига мурожаат қилиши мумкин. Айни дамда ушбу тизим Италия, Германия, Португалия ва яна бир неча мамлакат чемпионатларида фойдаланилмоқда.

"Брайтон" - "Кристал Пэлас" ўйини 6 январь куни Тошкент вақти билан 20:00да бошланади.

2017 йилнинг 15 январида Англияда шунга ўхшаш яна бир тарихий воқеа содир бўлган эди. Ўша куни "Манчестер Юнайтед" ҳамда "Ливерпуль" учрашуви бўлиб ўтган ва баҳсда Англияда илк маротаба ўргимчак камера тизими синовдан ўтказилган эди.