"5 йил давомида механикнинг ёрдамчиси бўлганман, кейин эса ўзим шу соҳада ишлаганман" - сэр Алекснинг энг яхши иқтибослари
31 дек 2021 23:14
Янгиликлар

"5 йил давомида механикнинг ёрдамчиси бўлганман, кейин эса ўзим шу соҳада ишлаганман" - сэр Алекснинг энг яхши иқтибослари

Теглар : Манчестер Юнайтед Сэр Алекс Фергюсон

Бугун "Манчестер Юнайтед"нинг афсонавий мураббийи сэр Алекс Фергюсон 80 ёшга кирди.

Қуйида "мураббийлар отаси"нинг энг яхши иқтибосларини жамладик.

"Футболда жуда меҳнаткаш эдим, шу сабабли механика соҳасини танламадим.
Отам бир куни олдимга шарт қўйди. Мен бирор касбнинг эгаси бўлишим керак эди. Ўшанда 5 йил давомида механикнинг ёрдамчиси бўлганман, кейин эса ўзим шу соҳада ишлаганман"

"Газета ўқимайман, нима учун асабимни кетказишим керак?
Барча журналистлар бошлиқларининг босими остида ишлашади ва шу сабабли улар сенсацияларни интиқиб юради.
Ўйин ҳисоботлари репортаж бўлмай қўйди ва энди барча киноя қилиб, мураббийларнинг хатоларини топа бошлашди"

"Мен учун энг яхшиси - эрталаб соат еттидан, барча ухлаб ётганда иш бошлаш.
МЮ бошқарувини қўлимга олган илк кунларданоқ жуда юқори темпда ишлашга ҳаракат қилдим.
Ишга эрталаб еттида борардим ва ҳатто кечқурун соат тўққизда ҳам видеолар орқали ёш футболчиларнинг машғулотини назорат қилардим"

"Моуриньо унинг ёшида бўлганимдан кўра кўпроқ соврин ютди. Аммо бировлар билан ўзимни тенглаштириш учун вақтимни сарфламайман"

"Муваффақиятлар бошингизни айлантириб қўйишига йўл қўйманг. Энг яхши уч дўстларим билан ошхонада танишиб қолганман ва мана 16 йилдирки улар билан дўстмиз"