42 футболчи, 6та ўйин, 2та ғалаба, 4 мағлубият. Ўзбекистон терма жамоаси учун 2020 йил қандай ўтди?
23 ноя 2020 21:06
Янгиликлар

42 футболчи, 6та ўйин, 2та ғалаба, 4 мағлубият. Ўзбекистон терма жамоаси учун 2020 йил қандай ўтди?

Ўзбекистон терма жамоаси 2020 йил ҳисобида бошқа ўйин ўтказмайди. Шу боис якунига етаётган йилни сарҳисоб қилдик.

2020 йилда Ўзбекистон терма жамоаси 6та учрашув ўтказди. Уларнинг барчаси ўртоқлик мақомида бўлди. Бунга дунёда ҳукм сураётган пандемия сабаблигини барча яхши тушуниб турибди.

Терма жамоамиз 2та ўйинда ғалабага эришишди (Тожикистон ва БАА) ва 4 марта мағлуб бўлди (Беларусь, Эрон, Сурия ва Ироқ). Бу йил жамоамиз умуман дуранг ўйнамади.

Олтита ўйинда вакилларимиз 6та гол уришди ва 8та гол ўтказиб юборишди.

Игорь Сергеев 2020 йилда терма жамоамиз сафида энг кўп гол урган футболчига айланди. У БАА билан баҳсда дублга эришди. Мурод Холмуҳаммедов, Элдор Шомуродов, Шаҳзод Убайдуллаев ва Достонбек Ҳамдамов биттадан гол уришди.

Футболчиларимиз бу йил учта голли узатма беришди. Иккита гол пенальтидан урилди, битта гол рақиб футболчисининг хатосидан кейин урилди. Санжар Қодирқулов икки марта, Достонбек Ҳамдамов бир марта шерикларига самарали тўп узатишни амалга оширди.

Бу йил ҳакамлар рақиблар дарвозасига иккита пенальти белгилашди. Холмуҳаммедов Тожикистон, Ҳамдамов Ироқ билан ўйинда 11 метрли жарима тўпидан гол уришди.

Рақибларимиз эса мана шу 6та баҳсда беш марта пенальти тепишди. Меҳди Тареми (Эрон), Себастьян Тальябуэ (БАА) ва Али Аднан (Ироқ) пенальтидан гол уришган бўлса беларуслик Станислав Драгуннинг зарбасини Элдорбек Суюнов, суриялик Маҳмуд Ал Маваснинг зарбасини Абдувоҳид Неъматов қайтаришга эришди.

Терма жамоа бош мураббийи Вадим Абрамов 2020 йилда 42 нафар футболчини майдонга туширди.

Бу йил майдонга тушган энг ёш футболчи - Жасур Жалолиддинов (17 ёш 283 кунлигида)
Бу йил майдонга тушган энг ёши катта футболчи - Лутфулла Тўраев (32 ёш 232 кунлигида)
Бу йил гол урган энг ёш футболчи - Шаҳзод Убайдуллаев (22 ёш 185 кунлигида)
Бу йил гол урган энг ёши катта футболчи - Мурод Холмуҳаммедов (29 ёш 252 кунлигида)
Бу йил голли узатма берган энг ёш футболчи - Санжар Қодирқулов (23 ёш 99 кунлигида)
Бу йил голли узатма берган энг ёши катта футболчи - Достонбек Ҳамдамов (24 ёш 80 кунлигида)
Бу йил сариқ карточка олган энг ёш футболчи - ИброҳимҲалил Йўлдошев (19 ёш 240 кунлигида)
Бу йил сариқ карточка олган энг ёши ката футболчи - Лутфулла Тўраев (32 ёш 227 кунлигида)
Бу йил қизил карточка олган ягона футболчи - Ҳожиакбар Алижонов (23 ёш 207 кун)

Абрамов 6та ўйинда икки дарвозабон хизматидан фойдаланди - Элдорбек Суюнов ва Абдувоҳид Неъматов.

Суюнов иккита ўйинда (Беларусь ва Эрон) 3та гол ўтказди, дарвозаси томон белгиланган иккита пенальтидан биттасини қайтарди.

Неъматов тўртта баҳсда (Тожикистон, БАА, Сурия, Ироқ) 5та гол ўтказди, дарвозаси томон белгиланган учта пенальтидан биттасини қайтарди.

Икки футболчи бу йилги олтита ўйиннинг барчасида майдонга тушди - Исломжон Қобилов ва Мурод Холмуҳаммедов.

Бу йил беш нафар футболчимиз жами 9 марта огоҳлантириш олишди. Учта сариқ олган Исломжон Қобилов бу борада "пешқадам" бўлди. Холмуҳаммедов ва Аброр Исмоилов икки мартадан огоҳлантирилишди. 2020 йилги мавсумда терма жамоамиз футболчиси бир марта қизил карточка олди. Ҳожиакбар Алижонов Сурия билан баҳсда майдондан четлатилди.

Ўзбекистон терма жамоаси сафида 2020 йил майдонга тушган барча футболчилар:

Футболчи	Клуб	Амплуа	Туғ.сана.	Ўйин	Дақиқа	Гол	Голли пас	СК	ҚК
ҚОБИЛОВ Исломжон	Бунёдкор	Ҳим	01.06.1997	6	495	0	0	3	0
ХОЛМУҲАММЕДОВ Мурод	Қўқон-1912	Ҳим	25.12.1990	6	331	1	0	2	0
ҚОДИРҚУЛОВ Санжар	Бунёдкор	Яҳм	27.05.1997	5	335	0	2	0	0
ИСМОИЛОВ Аброр	Пахтакор	Яҳм	08.01.1998	5	310	0	0	2	0
ЭРКИНОВ Ҳожимат	АГМК / Пахтакор	Яҳм	29.05.2001	5	271	0	0	0	0
НЕЪМАТОВ Абдувоҳид	Насаф	Дар	20.03.2001	4	360	0	0	0	0
ЮЛДАШЕВ ИброҳимҲалил	Бунёдкор	Ҳим	14.02.2001	4	360	0	0	1	0
ТЎРАЕВ Лутфулла	Бунёдкор	Яҳм	30.03.1988	4	300	0	0	1	0
МАШАРИПОВ Жалолиддин	Пахтакор	Яҳм	01.09.1993	4	203	0	0	0	0
БОЗОРОВ Ойбек	Насаф	Яҳм	07.08.1997	4	175	0	0	0	0
ҒАНИЕВ Азизжон	Шабаб Ал Аҳли (БАА)	Яҳм	22.02.1998	3	270	0	0	0	0
ГОЛБАН Игорь	Навбаҳор	Ҳим	31.07.1990	3	191	0	0	0	0
СЕРГЕЕВ Игорь	Пахтакор	Ҳуж	30.04.1993	3	145	2	0	0	0
ҲАМДАМОВ Достонбек	Пахтакор	Яҳм	24.07.1996	3	135	1	1	0	0
ТУРҒУНБОЕВ Азизбек	Навбаҳор	Яҳм	01.10.1994	3	114	0	0	0	0
УБАЙДУЛЛАЕВ Шаҳзод	Металлург	Ҳуж	02.03.1998	3	74	1	0	0	0
МОЗГОВОЙ Акмал	Насаф	Яҳм	02.04.1999	3	40	0	0	0	0
СУЮНОВ Элдорбек	Пахтакор	Дар	12.04.1991	2	180	0	0	0	0
АШУРМАТОВ Рустамжон	Кванджу (Ж.Корея)	Ҳим	07.07.1996	2	146	0	0	0	0
ШУКУРОВ Отабек	Шаржа (БАА)	Яҳм	22.06.1996	2	123	0	0	0	0
АБДИХОЛИҚОВ Бобир	Насаф	Ҳуж	23.04.1997	2	120	0	0	0	0
САЙФИЕВ Фарруҳ	Пахтакор	Яҳм	17.01.1991	2	108	0	0	0	0
АБДУХОЛИҚОВ Темурхўжа	Локомотив	Ҳуж	25.09.1991	2	98	0	0	0	0
АЛИЖОНОВ Ҳожиакбар	Пахтакор	Ҳим	19.04.1997	2	55	0	0	0	1
НОРХОНОВ Шоҳруз	Сўғдиёна	Ҳуж	13.04.1993	2	48	0	0	0	0
АЛИҚУЛОВ Ҳусниддин	Насаф	Ҳим	04.04.1999	1	90	0	0	0	0
ЗОТЕЕВ Олег	Локомотив / Чоннам Драгонс (Ж.Корея)	Яҳм	05.07.1989	1	90	0	0	0	0
КРИМЕЦ Егор	Пахтакор	Ҳим	27.01.1992	1	90	0	0	0	0
ҲАМРОБЕКОВ Одилжон	Пахтакор	Яҳм	13.02.1996	1	90	0	0	0	0
ШОМУРОДОВ Элдор	Ростов (Россия) / Женоа (Италия)	Ҳуж	29.06.1995	1	76	1	0	0	0
ИСКАНДЕРОВ Жамшид	Сеонгнам (Ж.Корея)	Яҳм	16.10.1993	1	67	0	0	0	0
ИСМАТУЛЛАЕВ Акбар	Металлург / Бурирам (Таиланд)	Ҳим	10.01.1991	1	58	0	0	0	0
ЖАЛОЛИДДИНОВ Жасур	Бунёдкор / Локомотив М / Тамбов (Россия)	Яҳм	15.05.2002	1	45	0	0	0	0
МУРТОЗАЕВ Ҳумоюн	Бунёдкор / Машъал	Ҳуж	08.11.1992	1	45	0	0	0	0
ЭШМУРОДОВ Умар	Насаф	Ҳим	30.11.1992	1	45	0	0	0	0
ЯХШИБОЕВ Жасурбек	Энергетик БГУ / Шахтёр (Беларусь)	Яҳм	24.06.1997	1	45	0	0	0	0
АЛИБОЕВ Икром	Сеул (Ж.Корея)	Яҳм	09.01.1994	1	34	0	0	0	0
МУҲИТДИНОВ Шароф	Насаф	Яҳм	14.07.1997	1	32	0	0	0	0
РЎЗИЕВ Қувондиқ	Қўқон-1912	Яҳм	06.10.1994	1	27	0	0	0	0
ТЎХТАСИНОВ Нурилло	Бунёдкор	Яҳм	19.02.1997	1	27	0	0	0	0
ИКРОМОВ Фарруҳ	Бунёдкор	Яҳм	09.07.1998	1	6	0	0	0	0
ШОЙҚУЛОВ Искандар	Сўғдиёна	Ҳим	26.04.1993	1	6	0	0	0	0