41 ёшли Хоакин "Бетис" мавсумга янги ўйинчиларни рўйхатдан ўтказиши учун фаолиятини якунлашга тайёр

41 ёшли испан мавсумга дарвозабон Клаудио Браво ва ҳужумчи Виллиан Жозени рўйхатдан ўтказиш учун шундай таклиф берди. Клуб бу таклифни рад этди.

"Бетис" трансфер ойнаси сўнггига қадар футболчиларни рўйхатдан ўтказиш муаммоларини ҳал қилиш учун форвард Лорен Моронни сотишга ҳаракат қилади.

Хоакин 2015 йилдан бери "Бетис"дан ўйнайди. Унинг амалдаги шартномаси 2023 йилнинг ёзига қадар мўлжалланган.