ПСЖ ҳимоячиси Ашраф Ҳакими ЕЧЛда "Бавария"га қарши ўйиннинг (1:2) биринчи тайми охирида Луис Диаснинг орқадан келган зарбасидан сўнг мажбуран алмаштирилди. Марокашлик кўз ёшлари билан майдонни тарк этди, бош ҳакам эса Диасга қизил карточка кўрсатди.
Marca хабар беришича, Ҳакими бугун эрталаб Парижда тиббий кўрикдан ўтган. Ҳимоячига синдесмоз узилиши (суякларнинг узлуксиз бирикиши) ва болдир-товон бўғимининг делтасимон бойламининг енгил шикастланиши ташхиси қўйилган. У тахминан икки ойга сафдан чиқди.
Ҳакимининг 21 декабрь куни бошланадиган Африка кубогидаги иштироки жиддий шубҳа остида турибди.
