Championat.asia sayti ma'lumotiga ko'ra, Portugaliya – Urugvay uchrashuvidan keyin portugaliyaliklar sardori Krishtianu Ronaldu oldiga ikki nafar yurist kelgan. Yuristlar qaysidir klubdan shartnoma bilan kelgani va futbolchi u bilan tanishib chiqqani aytilmoqda. Bu katta ehtimol bilan Saudiya Arabistonining "Al Nassr" klubiga tegishli bitimdir.
Krishtianu Ronaldu o'tgan hafta "Manchester Yunayted"ni tark etgandi. Ayni paytda u erkin agent hisoblanadi.
Ma'lumot uchun, "Al Nassr" klubi safida o'zbekistonlik Jaloliddin Masharipov to'p tepmoqda.
