Мавсум кашфиётлари. 4 йилда 4та гол урган Азизбек
17 ноя 2021 15:47
Янгиликлар

Мавсум кашфиётлари. 4 йилда 4та гол урган Азизбек

Суперлигамизда мавсум якунланиб бормоқда. Биз мавсум кашфиётлари ҳақида туркум мақолаларимизни беришни бошлаймиз.

Биринчи кашфиёт - "Локомотив" ҳужумкор ярим ҳимоячиси Азизбек Амонов.

Олдинги 4 йил давомида Ўзбекистон чемпионатида фақат биттадан гол уриб келган Азизбек Амонов 2021 йилда ҳозиргача 7 бор рақиблар дарвозасини аниқ нишонга олди.

Эътиборлиси бу мавсум Амонов дастлабки 11та турда умуман гол ура олмади. 12-турда "Пахтакор" дарвозасини ишғол қилган футболчи кейинги турда "Насаф" билан баҳсда дубль қайд этди.

16-турда "Турон" билан ўйинда пенальтидан гол ура олмади ва бироздан сўнг ўйиндан тўп киритди. Тошкентда "Сурхон" дарвозасига йўл топа олди. Бекободда 10 киши бўлиб қолган "Локомотив"га сўнгги дақиқаларда ғалаба келтирувчи гол муаллифига айланди. 22-турда "Андижон" билан учрашувда мавсумдаги ўзининг 7-голини урди.

7та гол уришдан ташқари футболчи 3 марта шерикларига голли узатма беришга ҳам эришганини таъкидлаш лозим.