Куни кеча дисквалификацияси тугаган Илҳом Мўминжонов "Нефтчи" билан 4 йиллик шартнома имзолади
02 янв 2021 18:24
Янгиликлар

Куни кеча дисквалификацияси тугаган Илҳом Мўминжонов "Нефтчи" билан 4 йиллик шартнома имзолади

Бугун, 2 январь куни "Нефтчи" ПФК қароргоҳида вилоят ҳокими Ҳайрулло Бозаров ташаббуси билан жамоанинг янги бош мураббийи билан таништирув маросими бўлиб ўтди.

Маросимда вилоят ҳокимининг спорт ва туризм масалалари бўйича маслаҳатчиси Ҳуршид Аҳмедов ва "Нефтчи" клуби раҳбари Зоҳиджон Ғофуровлар иштирок этиб, Илҳом Мўминжонов "Нефтчи" жамоасининг бош мураббийи этиб тайинланганлиги ва 4 йиллик шартнома имзолаганлигини маълум қилди.

Шундан кейин, Илҳом Мўминжонов сўзга чиқиб, бор кучи ва тажрибасини фарғоналиклар ишончини оқлаш ва жамоанинг Суперлигадаги иштироки ва салоҳиятини қайта тиклашга сарфлажагини билдирди.

Ўз навбатида клуб раҳбарияти Илҳом Мўминжоновга бошланаётган янги футбол мавсумида жамоани юксак марралар сари етаклашда улкан муваффақиятлар тилади", - деб ёзади "Нефтчи" клуби матбуот хизмати.