Дилявер Ваниев: "Голдан кейин иккинчи рақам бўлиб ҳаракат қилдик"
11 сен 2020 19:30
Янгиликлар

Дилявер Ваниев: "Голдан кейин иккинчи рақам бўлиб ҳаракат қилдик"

Суперлиганинг 14-туридан ўрин олган "Сўғдиёна" - "Машъал" (0:1) учрашувидан кейин меҳмонлар устози Дилявер Ваниев ўз фикрларини билдирди.

Ўйин ҳақида

Ашаддий ва жиддий рақибимизни мағлуб этдик. 1-0 ҳисобида ютдик, лекин рақиб жамоада хавфли вазиятлар анча кўп бўлди. Ўйлашимча, ўйин дуранг билан тугаши лозим эди, аммо омадимиз келди.

"Сўғдиёна"нинг ўйини яхши йўлга қўйилган ва мураббий фалсафаси билиниб турибди. Улар ҳозирги ўринларидан юқорироқ ўринга лойиқ.

Жамоангиз бугун кўпроқ ҳимоявий ва эҳтиёткорона ўйин кўрсатди. Бу ҳақда нима дейсиз?

1-0 дан кейин кўпроқ ҳимояда ўйнаганимиз рост. Мен шундай вазифани юкладим. Тактик жиҳатдан устунликни ҳам жуда вақтли бой бериб қўйдик. Голдан кейин иккинчи рақам бўлиб ҳаракат қилдик.

Уй-сафар ёки марказлашган, сизга қайси тизим маъқулроқ?

Менга эмас, ҳамма учун адолатли бўлиши керак. Охирги 4 та турни марказлашган тартибда ўтказилса, барча жамоалар учун адолатли бўлган бўларди. Ўшанда ҳеч кимда ортиқча савол қолмайди.

Ҳавола :

Манба : championat.asia

Янгиликларни Телеграмда ўқинг!

Рейтинг: +5