UZ

Сўнгги янгиликлар

23:25Бектемир Абдуманнонов: "Омад биз томонда бўлмади"  0 22:55Шерзод Насруллаев: "Бу ҳали бошланиши, бундай ғалабалар кўпроқ бўлишига ҳаракат қиламиз"  9 22:24Ҳусайн Норчаев: "Совринни ота-онамга бағишлайман"  7 21:55Иско финал олдидан қандай фикрда?  0 21:38"Насаф" - 2025 йилги Ўзбекистон Суперкубоги соҳиби!  222 20:51Симоне Инзаги "Олтин тўп"ни ким олиши кераклигини айтди  9 20:29"Барселона" Шенсни бўйича қарор қабул қилди  2 19:52Хаби Алонсонинг "Реал" бош мураббийи этиб тайинланганидан кейинги илк фикрлари  7 19:25"Милан" янги спорт директорини тайинлади. Жамоани қайта тиклаш учун ким жавобгар бўлади?  7 19:02Дониёр Саидов: "Тажрибали мураббийларнинг тактик курашига гувоҳ бўламиз"  0 18:49Ўзбекистон Суперкубоги. "Насаф" – "Андижон". Таркиблар маълум  14 18:37"Насаф"нинг Суперкубок баҳси учун "Бунёдкор"га етиб келишидан суратлар  1 18:28"Андижон"нинг Суперкубок учрашуви учун стадионга етиб келишидан суратлар  9 18:16Асрор Алиқулов: "Биринчи бўлимда бизга иккинчи бўлимдаги каби шижоат етишмади"  0 18:00БАА - Ўзбекистон учрашувини катта экранда томоша қилишни истаганлар диққатига!   12

Бахтиёр Ашурматов: "Гарчи “Пахтакор” билан ўйнаган бўлсакда иккита ҳужумчи билан баҳсни бошладик" Янгиликлар

Бахтиёр Ашурматов: "Гарчи “Пахтакор” билан ўйнаган бўлсакда иккита ҳужумчи билан баҳсни бошладик"

Coca Cola Суперлига 10-туридан ўрин олган “Қўқон-1912” ва “Пахтакор” учрашувидан сўнг дастлаб қўқонликлар бош мураббийи Бахтиёр Ашурматов фикрлари билан ўртоқлашди.




“Ҳозирги ҳолатимиздан келиб чиқсак ёмон ўйин кўрсатмадик деб ўйлайман. “Пахтакор” жамоаси таркибида тажрибали ва маҳоратли футболчилар жамланган. Бу бугунги баҳда муҳим ролни ўйнади. Маҳорат ва вазиятлардан фойдаланиш ҳисобига ғалаба қозонишди. Мағлубиятга учраганимизга қарамасдан йигитлар охиригача курашишди. Жанговар футбол намойиш қилишди. Афсуски, биз вазиятлардан унумли фойдалана олмадик. Бугунги ўйин учун йигитларга миннатдорчилик билдираман. Агарда шу жанговар руҳиятда давом этадиган бўлсак кейинги ўйинларда ижобий натижа қайд эта оламиз”,- дея гап бошлади Ашурматов.

- Узоқдан берилаётган зарбаларни аксарияти самарасиз кетмоқда. Бу борада машғулотларда ишланмоқдами?

- Бизда Якуба ва қолган ўйинчиларимиз ҳам узоқдан зарбалар йўллай олишади. Юқорида айтиб ўтганимдек вазиятлардан фойдалана олмадик. Машғулотларда бунинг устида ишланади. “Пахтакор” таркибидаги футболчиларнинг маҳорати юқорилиги муҳим аҳамият касб этди. Рақиб жамоаси олдида кўплаб ҳавфли вазиятлар яратдик.

- Жамоа меҳмонлардаги ўйинларга мослаша олмаяпти. Жамоа учинчи голни ўтказиб юборганидан кейин кетма-кет ҳужумлар уюштира бошлади. Шуни вақтлироқ амалга ошириш мумкин эдими?

- Омад етишмаяпти. Лекин, фикризга қўшилмаган бўлардим. Биринчи бўлиб “Пахтакор” дарвозаси олдида вазият яратдик, Сардор Азимовда имконият бўлди, Шоҳназар Норбеков вазият яратди. Биринчи гол бўлгунига қадар “Пахтакор” дарвозамиз олдида бирорта вазият яратгани йўқ. Стандарт вазиятдан урилган гол рақиб ғалабасини таъминлади. Яна бир нарсага эътибор беришларингни сўрардим, гарчи биз “Пахтакор” билан ўйнаган бўлсакда иккита ҳужумчи билан баҳсни бошладик. Бу жуда кам учрайдиган ҳолат ҳисобланади. Ҳар бир мураббийни ўз услуби бор. Аммо, кўп жамоалар “Пахтакор”га қарши битта ҳужумчи билан ўйнайди. “Пахтакор” билан ўйинда чуқур ҳимояга ётиб олсак барибир эртами кечми гол ўтказиб юборардик.

- Қувондиқ Рўзиев, Ботирали Эргашевнинг ҳолати қандай? Улар кейинги тургача сафга қайтадими?

- Гапни очиғи, мағлубиятга учрагандан кейин Мурод Ҳолмуҳаммедов ёқи Қувондиқ Рўзиев йўқ эди деб баҳона қилиш нотўғри бўлади. Улар етакчи футболчиларимиз ҳисобланади. “Локомотив” билан учрашувгача эмас, ундан кейинги турларгача қайтишади деган умиддаман. Музаффар Музаффаров “Қизилқум” билан ўртоқлик учрашувида оёғидан яна жароҳат олди, у ҳам яқин орада бизга ёрдам бера олмайди.


Рейтинг: +4   

Фикрлар

championat.asia
< сўнгги янгиликларни кўриш
Яндекс.Метрика