Англия. Бугун "Carabao Cup" доирасида Манчестер жамоалари ўз ўйинларини ўтказишади
25 сен 2018 16:25
Янгиликлар

Англия. Бугун "Carabao Cup" доирасида Манчестер жамоалари ўз ўйинларини ўтказишади

Бугун Англияда Лига кубогининг 3-босқич учрашувларига старт берилади.

Ушбу мусобақа бугунги кунда расман "Carabao Cup" деб номланади. Унинг амалдаги ғолиби "Манчестер Сити" клуби ҳисобланади. Бугун улар ҳам ўз юришларини бошлашади.

Англия Лига кубогининг 2018-2019 йилги мавсумида жами 92та клуб иштирок этмоқда. Биринчи босқичда 70та жамоа 35та жуфтликка бўлинган ҳолда беллашган бўлса, иккинчи босқичда 50та жамоа 25та жуфтлик ҳосил қилган эди. Айни пайтда ўша ғолиб бўлган 25 клуб орасига АПЛдан еврокубокларда иштирок этаётган 7 жамоа қўшилди ва 16та жуфтлик ҳосил қилинди.

Бугун 3-босқичнинг 10та беллашуви ўтказилади. Эътиборли учрашувлар сирасига Манчестер шаҳрининг икки жамоаси иштирокидаги ўйинларни ва АПЛда тўп тепадиган "Вулверхэмптон" ва "Лестер"нинг ўзаро тўқнашувини келтириш мумкин.

Англия Лига кубоги
"Carabao Cup", 3-босқич
25 сентябрдаги ўйинлар

23:45. "Бартон Альбион" - "Бёрнли"
23:45. "Уайкомб Уондерерс" - "Норвич"
23:45. "Оксфорд" - "Манчестер Сити"
23:45. "Миллуолл" - "Фулхэм"
23:45. "Борнмут" - "Блэкберн"
23:45. "Прэстон" - "Мидлсбро"
23:45. "Вулверхэмптон" - "Лестер"
23:45. "Блэкпул" - "Куинз Парк Рейнжерс"
00:00. "Вест Бромвич" - "Кристал Пэлас"
00:00. "Манчестер Юнайтед" - "Дерби Каунти"

МЮ - "Дерби" учрашувининг эътиборга молик жиҳати Чемпионшип жамоасини бугунги кунда "Челси" афсонаси Фрэнк Лэмпард бошқариб бормоқда. Лэмпард беллашувдан олдинги матбуот анжуманида қуйидагича қизиқ гапни айтиб ўтди: "Учрашувдан сўнг Жозе билан бирга ичишимиз учун винонинг навини танлашни ўзимга эп кўролмайман. Мен бу танловни унга қолдираман. Мен бу борада унчалик маҳоратли эмасман. Мен учун арзонроқ ва "қаттиқроқ" бўлгани маъқул". Мана шунақа, Англияда икки жамоа мураббийларининг ўйиндан сўнг бирга ўтириб винохўрлик қилиши янгилик эмас. "Манчестер Юнайтед"да эса одат деса ҳам бўлаверади.