UZ

Сўнгги янгиликлар

02:16Конференциялар лигаси. "Фиорентина"дан йирик ғалаба, "Кристал Пэлас" ўз майдонида мағлуб бўлди ва бошқа натижалар  0 02:00Европа лигаси. "Рома" ўз майдонида ютқазди, Дайчнинг дебютида "Ноттингем Форест"дан ғалаба ва бошқа натижалар  0 01:41Тчуамени: "Адолатли ғалабани қўлга киритдик"  0 01:24Виртц АПЛнинг барча футболчиларидан энг яхши натижа қайд этмоқда  0 00:59Саудия Арабистони. "Ал Аҳли" ягона гол эвазига ғалабага эришди  0 00:43УЕФА ЕЧЛнинг ҳафта рамзий термасини эълон қилди  0 00:19Рафаэль Бенитес Грецияда иш бошлайди ва рекорд маош олади  2 00:00Суперлига. "Бухоро" – "Сўғдиёна" 2:0   0 23:47Европа лигаси. "Бетис" дуранг ўйнади, "Астон Вилла" ютқазди ва бошқа натижалар  0 23:32"Манчестер Сити"да 2 ўйин ўйнаб, 11 соврин ютган футболчи фаолиятини якунлади  1 23:15ЕЧЛда ҳафта футболчиси маълум қилинди  2 22:55Биринчи лигада 1-босқич ўйинлари якунланди, медиа жамоаси қатнашадиган плей-оффга қуръа ташланди  0 22:32Александр Хомяков: "Характер томондан ўзимизни кўрсата олдик"  2 22:20Суперлига. "Хоразм" – "Пахтакор" 0:1  1 22:13Иван Бошкович: "Бу "Сўғдиёна"нинг сўнги уч йилдаги энг ёмон ўйини бўлди"  3

20 йилдан бери тўхтамаётган жиззахлик афсона Янгиликлар

20 йилдан бери тўхтамаётган жиззахлик афсона

Жисмоний ҳолат масаласи футболимизнинг оғриқли нуқталаридан бири бўлиб, халқаро майдонда кўп бор панд берган.

Шу туфайли ўзбек футболидаги ўртача ёш Европа ёки Шарқий Осиё мамлакаларига нисбатан паст. Бу аксар ҳамюртларимизнинг спорт формаси 30 ёшдан кейин "ўлиб қолиши"да кўринади. Бироқ, мустасно ҳолатлар ҳам йўқ эмас.

Улуғбек Бақоев Жиззахда рақобатбардош жамоа қуришни уддалади. "Сўғдиёна"ни кузтганлар жамоанинг ўйини тажрибали Жасур Ҳасановнинг атрофига қурилганини тезда илғашади. Ҳужумларнинг 70 фоизи айнан у орқали ташкил қилинади. Умуман олганда, ҳар қайси футболчи йил ўтгани сайин ақллилашиб, майдонни яхшироқ кўриши, "маэстро"га айланиши табиий ҳол. Аммо, Ҳасановнинг тезлигини ҳам алоҳида таъкидлаш керак.

Хабарингиз бор, Жаззах клуби кеча Душанбенинг "Истиқлол"ини мағлуб қилди. 70 дақиқага яқин майдонда бўлган Ҳасанов ўз анъанасига содиқ қолгани ҳолда тиним билгани йўқ. 1-таймда бир неча бор 20 ёшли Вахдат Ханоновни тезликда ортда қолдирган бўлса, 2-бўлимнинг 13-дақиқасида Далер Имомназаровдан ўзиб кетди ва Шоҳруз Норхоновнинг голига қойилмақом тарзда ҳаммуаллифлик қилди.

Маълумот учун, Жасур Ҳасанов тез орада 38 ёшни қарши олади. Кеча унга қарши ўйнаганлардан дарвозабон Мухриддин Ҳасанов, ҳимоячилар Вахдат Ханонов ва Манучеҳр Сафаров, олдинги чизиқ вакиллари Алишер Зоиров, Рустам Соиров ҳамда Шервони Мабатшоевлар Жасур катта футболда дебют қилганида ҳали туғилишмаган эди.

Одатда Златан Ибрагимович, Хавьер Занетти ёки Райан Гиггз сингари футболчиларнинг катта ёшда ҳам юқори темпли ўйинларда йўқолиб қолмагани ҳақида гап кетса, ҳайратимизни яширолмаймиз. Лекин, шу ишни ўзбек футболида такрорлаганлар кўпинча эътибордан четда қолади. Ҳасанов 10 кунда кейин 38 га тўлиши ҳақида айтдик. Деярли барча тенгдошлари аллақачон спорт билан хайрлашиб, мухлислар хотирасидан чиқишга ҳам улгурган бўлса-да, жиззахлик ярим ҳимоячи ҳозирча бу ҳақда ўйламаяпти.

"Истиқлол" билан ўйиндан кейин унинг ўзи спорт формаси ҳақидаги саволга шундай жавоб қайтарди:

"Бизда юлдуз деган тушунчанинг ўзи йўқ. Жамоада барча бирдек меҳнат қилади, югуради. Жисмоний ҳолатимни меъёрда ушлаш учун машғулотда 2 ҳисса куч билан ҳаракат қиламан. Бунинг ҳеч қандай диета ёки витаминлар боғлиқ сири йўқ. Фақат меҳнат. Охирги пайтларда кўпчилик фаолиятимнинг якуни тўғрисидаги саволлар билан мурожаат қиляпти. Йўқ, ҳозир кучим бор ва бу ҳақда ўйламаяпман. Худо хоҳласа, яна 4-5 йил бирга бўламиз".

Ҳасанов деганда кишининг хаёолига тезлик келади. У ҳар доим шу ҳислати билан бошқалардан устун эди. "Бунёдкор"даги рейдлари, Ривалдо-ю Вильянуэваларни голли узатмалар билан таъминлаб юрган кезлари ёдингизда бўлса керак. Орадан 10 йил ўтди. Умуман олганда, у катта футболда югуришни бошлаганига 21 йил бўлди. Жасур Ҳасановнинг ҳануз фарзанди тенги йигитлардан тезроқ югураётгани таҳсинга сазовор. Тажрибали ярим ҳимоячининг муваффақиятларини кўпроқ футболга бўлган меҳр ва иштиёқ билан боғлаш тўғри бўларди. Бу иккаласи эса қуйида суратда ўз ифодасини топган↓↓↓

фото: Толибжон Қосимов

P.s. Тез орада Жасур Ҳасанов билан катта интервью ташкиллаштиришни режа қилганмиз. Умид қиламизки, 38 ёшда ҳам тўхташ нималигини билмаётган жиззахлик афсона ёш ҳамкасбларига керакли мотивацияни бера олади.

"Қашқирлар макони"даги Актамов ёхуд "Қизилқум"нинг фавқулодда порлаши

Муаллиф :
Рейтинг: +46   

Фикрлар

championat.asia
< сўнгги янгиликларни кўриш
Яндекс.Метрика