"Қўқон-1912" - "Насаф" учрашуви тўғридан-тўғри намойиш этилмайди

Қўқонда "Қўқон-1912" жамоаси "Насаф"ни қабул қилади. Одатдагидек, ушбу беллашув ҳам Спорт телеканали орқали тўғридан-тўғри эфирда намойиш этилиши керак эди. Лекин, бироз аввал Спорт ТВнинг ижтимоий тармоқлардаги саҳифаларида учрашув техник сабабларга кўра эртага, 22 апрель куни ёзиб олинган ҳолда кўрсатилиши ҳақида ёзилди.

Вазиятга янада ойдинлик киритиш мақсадида канал ходимлари билан алоқага чиқдик ва қуйидаги жавобни олдик: "Афсуски, мамлакатимиздаги ҳамма стадионларда ҳам стадионлардан сигнал узатадиган оптик толали кабел йўқ. Қўқондаги стадион вилоят телевидениясидан узоқда жойлашган. Шу сабаб, бу янада қийинлашди. Бусиз ҳам тўлқин орқали жонли эфирга чиқса бўлади. Аммо, бундай қурилмалар сони саноқли бўлиб, улар бошқа тадбирларда банд. МТРК ва ПФЛ клублар билан бу борада амалий иш олиб боради ва насиб қилса барча стадионлар оптик толали кабел билан қамраб олинади", - дея жавоб берди Спорт телеканали ходими.

"Қўқон-1912" - "Насаф" учрашуви Спорт ТВда эртага, 22 апрель куни ёзиб олинган ҳолда намойиш этилади.

Суперлига. "Қўқон-1912" - "Насаф". Таркиблар маълум