"Қозон Арена" стадиони ҳақида нималарни билишимиз керак?

• “Қозон Арена” стадионида Жаҳон чемпионатининг 6та ўйини бўлиб ўтади.
• Стадион 2013 йилда қурилган. 2017 йилда бу ерда FIFA Конфедерациялар Кубоги ўйинлари бўлиб ўтган.

Ўйинлар

“Қозон Арена” стадиони 16 июнь куни барчага ўз эшикларини очади. Ўша куни Франция ва Австралия терма жамоалари ўртасидаги учрашув бўлиб ўтади. Шундан сўнг, гуруҳ босқичининг 3та ўйинни, 1/8 финал учрашуви ва чорак финал баҳслари бўлиб ўтади.

Имкониятлари

“Қозон Арена” стадионига 45 000 томошабин ташриф буюриши мумкин. Унинг мундиалдаги асосий имконияти ана шундан иборат.


Жойлашган ўрни

Татаристон пойтахтида бунёд этилган стадион Қозон дарёси қирғоқлари томонда жойлашган. Иншоотга тепадан назар солсангиз, у худди сувдаги нилуфар гулига ўхшайди.  


Биласизми?

“Қозон Арена” стадиони уч йилда қуриб битказилган. Бу арена футболчилар стадионига айланиб, машҳурликка эришишига 2013 йил ёзда халқаро ёзги Универсиаданинг очилиш ва ёпилиш маросими айнан шу ерда ўткизгани сабаб бўлган. 2015 йилда эса аренада сув спорти бўйича Жаҳон Чемпионати ўтказилган. Шунинг учун, у ерда катта-катта ҳовузлар қурилган. “Қозон Арена” стадиони жаҳондаги энг катта спорт иншоотларидан бири десак, адашмаймиз. Унинг умумий майдони 4 200 кв. метр.


Дастлабки ўйинлар

“Қозон Арена” стадионидаги биринчи ўйин 2014 йилнинг 17 августида бўлиб ўтган. Ўша куни “Рубин” ўз уйида “Локоматив” жамоасини қабул қилганди. Стадиондаги биринчи голни “Локо” клубининг 18 ёшли ўйинчиси Алексей Миранчук урганди. “Рубин” жамоаси “Қозон Арена” стадионида ўз рақиблари билан баҳс олиб боришда давом этмоқда. Навбатдаги ўйин 17 март куни қозонликлар ва “Спартак” жамоаси ўртасида бўлиб ўтади.

Мерос

Стадион Жаҳон Чемпионати-2018дан сўнг, Россиянинг икки карра чемпиони бўлмиш “Рубин” жамоасининг машғулотлар ўтказадиган стадионига айланади. Бундан ташқари, у ерда турли хил кўнгилочар шоу, концерт ва тадбирлар ўтказилиб туради. Бу иншоот аллақачон кўпчиликнинг дам олиш масканларидан бирига айланишга улгурди. Маҳаллий аҳоли ва сайёҳлар оила аъзолари билан стадионда бемалол дам олиши мумкин. Аренада болалар учун кўнгилочар марказ, хоккей ва футбол секциялари, катталар учун эса фитнес-клуб, кафе ва ресторанлар фаолият юритади.


Нозима Зарипова таржима қилди