Jahon chempionati uchun yakuniy tarkibni shakllantirish har doim qiyin vazifa bo'lib kelgan. Yo'llanmani qo'lga kiritgan mamlakatlarning murabbiylar shtabi o'z jamoasiga eng yuqori darajada harakat qilishga yordam beradigan eng yaxshi o'yinchilarni tanlab olish uchun musobaqadan oldingi haftalar va oylar davomida tinimsiz mehnat qilishadi.
JCH-2026 turnirida har bir jamoa tarkibida 26 nafar futbolchi ro'yxatdan o'tishiga ruxsat beriladi – bu Qatar mezbonlik qilgan 2022 yilgi musobaqadagi ko'rsatkich bilan bir xil. JCH-2026 tarkiblari haqida bilishingiz kerak bo'lgan barcha ma'lumotlarni quyida o'qishingiz mumkin.
Jahon chempionati tarkiblari qachon e'lon qilinadi? FIFA 2 iyun, seshanba kuni musobaqada ishtirok etadigan 48 ta jamoaning 26 kishilik rasmiy qaydnomalarini e'lon qilishni rejalashtirmoqda.
Har bir tarkibda nechta futbolchiga ruxsat beriladi?
Dastlabki ro'yxat: Ishtirokchi assotsiatsiyalar dastlab FIFAga 35 tadan 55 tagacha bo'lgan futbolchilardan iborat kengaytirilgan tarkibni taqdim etadi, ulardan to'rt nafari darvozabon bo'lishi shart. Ushbu dastlabki ro'yxat faqat ichki maqsadlar uchun ishlatiladi va FIFA tomonidan omma e'tiboriga e'lon qilinmaydi.
Yakuniy ro'yxat: Assotsiatsiyalar FIFAga 23 tadan 26 tagacha o'yinchini o'z ichiga olgan (ulardan kamida uch nafari darvozabon bo'lishi shart) yakuniy tarkibni taqdim etadi.
Istisno holatlar: Yakuniy qaydnomadagi o'yinchi faqatgina jiddiy jarohat yoki kasallik tufayli, o'z jamoasining JCH-2026 musobaqasidagi birinchi o'yiniga kamida 24 soat qolgandagina dastlabki ro'yxatdagi boshqa o'yinchiga almashtirilishi mumkin.
Yakuniy tarkibdagi darvozabon musobaqa davomida istalgan vaqtda jiddiy jarohat yoki kasallik sababli dastlabki ro'yxatdagi boshqa darvozabon bilan almashtirilishi mumkin.
Milliy terma jamoalarga o'z tarkiblarini istalgan vaqtda e'lon qilishga ruxsat beriladi, ammo ular 2 iyun kuni FIFA tomonidan tasdiqlanmaguncha rasmiy hisoblanmaydi.
Darvozabonlar: Vladimir Nazarov (“Paxtakor”), O'tkir Yusupov (“Navbahor”), Botirali Ergashev (“Neftchi”), Abduvohid Ne'matov (“Nasaf”)
Himoyachilar: Ibrohimhalil Yo'ldoshev (“Neftchi”), Avazbek O'lmasaliev (OKMK), Jahongir O'rozov (“Dinamo”), Rustam Ashurmatov (“Istiqlol”, Eron), Muhammadqodir Hamraliev (“Paxtakor”), Umar Eshmurodov (“Nasaf”), Abduqodir Husanov (“Manchester Siti”, Angliya), Abdulla Abdullaev (“Dibba”, BAA), Farruh Sayfiev (“Neftchi”), Hojiakbar Alijonov (“Paxtakor”), Sherzod Nasrullaev (“Paxtakor”), Muhammadrasul Abdumajidov (“Paxtakor”), Behruz Karimov (“Surxon”), Diyor Ortiqboev (“Xorazm”)
Yarim himoyachilar: Quvondiq Ro'ziev (“Navbahor”), Sherzod Esanov (“Buxoro”), Nodir Abdurazzoqov (OKMK), Odil Hamrobekov (“Traktor”, Eron) Umarali Rahmonaliev "(“Sabah”, Ozarbayjon), Alisher Odilov (“Neftchi”), Sardor Bahromov (“Nasaf”), Akmal Mozgovoy (“Paxtakor”), Otabek Shukurov (“Baniyas”, BAA), Jamshid Iskanderov (“Neftchi”), Jasur Jaloliddinov (“So'g'diyona”), Aziz G'aniev (“Al Bataeh”, BAA)
Hujumchilar: Abbos Fayzullaev (“Istanbul Bashakshehir”, Turkiya), Jaloliddin Masharipov (“Istiqlol”, Eron), Doston Hamdamov (“Paxtakor”), Oston O'runov (“Persepolis”, Eron), Ruslan Jiyanov (“Navbahor”), Aziz Amonov (“Dinamo”), Husayn Norchaev (“Navbahor”), Sherzod Temirov (“Erbil”, Iroq), Igor Sergeev (“Persepolis”, Eron), Eldor Shomurodov (“Istanbul Bashakshehir”, Turkiya)
Jahon chempionati tarkiblari tarixi 1930 yildan to 1998 yilgacha jamoalarga o'zlarining yakuniy qaydnomalariga 22 nafar o'yinchini kiritishga ruxsat berilgan. Koreya va Yaponiya mezbonlik qilgan 2002 yilgi musobaqada bu ko'rsatkich 23 nafarga oshirildi va to 2022 yilgi Qatar turnirida tarkib hajmi 26 nafarga kengaytirilgunga qadar o'zgarishsiz qoldi.
JCH-2026 uchun futbolchilarning o'z vaqtida terma jamoa ixtiyoriga yuborilishini taminlash maqsadida FIFA quyidagi muddatlarni belgilab qo'ydi:
a) JCH-2026 uchun futbolchilarning dam olishi, tayyorgarlik ko'rishi va klublari tomonidan majburiy qo'yib yuborilishi davri ular o'z klublari safidagi so'nggi rasmiy o'yinini o'tkazgan kunning ertasiga – 2026 yilning 25 may kunidan boshlanadi.
b) Majburiy qo'yib yuborish qoidasidagi istisnolar konfederatsiyalarning klublar miqyosidagi musobaqalari finalida ishtirok etayotgan futbolchilarga nisbatan qo'llaniladi. Bunga FIFA ruxsati bilan 2026 yil 30 maygacha bo'lgan muddatdagi (shu kuni ham) o'yinlar kiradi.
