Малатя ҳаваскорлар лигасида бўлиб ўтган учрашувда мухлислар қанот ҳакамига болалар велосипедини улоқтиришди.
Малатя 1-ҳаваскорлар лигасининг 10-тури доирасидаги "Дарендеспор" — "Ҳекимҳан Беледиеси Гирманаспор" учрашуви фожиа билан якунланишига бир бахя қолди.
Воқеа хронологияси:
Вазият: Учрашувнинг 87-дақиқасида, ҳисоб 1:1 бўлиб турган пайтда «Дарендеспор» гол уришга муваффақ бўлди.
Қарор: Учрашувнинг 1-қанот ҳаками Ҳакан Башкурт вазиятда ўйиндан ташқари ҳолат борлигини қайд этиб, голни бекор қилди.
Агрессия: Бу қарордан ғазабланган мезбон жамоа мухлислари майдонга турли буюмларни улоқтиришди. Энг даҳшатлиси шундаки, трибунадан ҳакамга қарата болалар велосипеди отилди.
Жароҳат: Велосипед ҳакам Ҳакан Башкуртга келиб тегди. Зарба оқибатида ҳакамнинг чап қоши қаттиқ жароҳатланди, у зарба кучидан майдонга йиқилиб, ҳушини йўқотди.
Оқибат:
Ҳакамга зудлик билан тиббий ёрдам кўрсатилди. Ушбу ҳолат Туркия футболи жамоатчилигини яна бир бор ларзага солди.
