Златко Далич: "Тезкор гол режаларимизни бузиб қўйди"
19 апр 2016 22:09
Новости

Златко Далич: "Тезкор гол режаларимизни бузиб қўйди"

ОЧЛ "D" гуруҳининг 5-туридан ўрин олган "Насаф" - "Ал Айн" (1:1) учрашувидан сўнг ташкил этилган матбуот анжуманининг дастлабки қисмида меҳмонлар бош мураббийи Златко Далич иштирок этди.

"Ўйин биз учун жуда ҳам қийин бўлди. Тезкор гол ўтказиб ўйинга қайтиш осон эмас. Аммо жамоамиз характер кўрсатди ва ўйинга қайтди. Кўплаб вазиятлар яратишга эришдик ва яна бир нечта гол уришимиз мумкин эди. Вазиятлардан унумли фойдалана олмаганимиз натижага ўз таъсирини кўрсатди. Иккинчи тайм биз учун осон кечди. Бугунги ўйиндан кейин ҳар иккала жамоа кейинги босқичга йўлланма олиш имкониятини сақлаб қолди. Барчаси ўзимизнинг қўлимизда ва кейинги ўйиндаги ғалаба бизга кейинги босқични тақдим этади", - деди Златко Далич.

- Ғалаба учун келгандик деганди. Аммо дуранг ўйнашди. Уларга ғалаба учун нима етишмади?

- Биз доимо ғалаба учун футбол ўйнаймиз. Ўйин дебюти бизнинг баъзи режаларимизни ўзгартириб юборди. Биринчи бўлимда биз 3:1 ҳисобида ғалаба қозонишимиз керак эди. "Насаф"да кўплаб яхши футболчилар мавжуд. Уларнинг таркибида тезкор футболчилар етарли. Рақиб қарши ҳужумларда жуда хавфли ўйнайди. "Насаф"да бутун жамоа яхши ҳаракат қилмоқда. Ғалаба қозона олмаганимизга эса тезкор гол сабабчи бўлди.

Матбуот анжуманида учрашувнинг энг яхши футболчиси деб топилган Омар Абдулраҳмон ҳам қатнашди.

Омар Абдулраҳмон: - Қаршига уч очко олиш мақсадида келгандик. Шундагина кейинги босқич масаласини ҳал этардик. Афсуски тезкор гол режаларимизни бузиб юборди. Гарчи тезкор гол қўйворган бўлсакда жамоамиз тезда ўйинни ўз қўлига олди.

Ссылка :

Источник : championat.asia

Получайте новости прямо в Telegram!

Рейтинг: -3