Зидан Бэйлнинг агентига кескин жавоб берди

Кеча Барнетта Зиданни - шарманда деб атаганди. Бунга Зинданнинг Бэйл ҳақида берган интервьюси сабаб бўлганди.

— Биринчидан, мен унга нисбатан беҳурматлик қилмадим. Доим битта гапни айтаман: футболчилар — клубнинг энг муҳим бўғини, уларни доим қўллаб-қувватлайман. Иккинчидан, клуб уни сотмоқчи эканини айтдим холос.

Учинчидан, Гарет «Бавария»га қарши ўйинда ўзи истагани учун ўйнамади. Агар клуб унинг кетиши борасида музокара ўтказаётган бўлса майдонга тушмаслигини маълум қилди. Ҳозирча Бэйл «Арсенал»га қарши баҳсда майдонга тушмайман дегани йўқ. У одатий тарзда машғулотларда ишламоқда, кўрамиз, эртага нима бўларкин, — дейди мураббий.

Эслатиб ўтамиз, олдинроқ Бэйл «Бавария» билан ўйинни агентининг Хитой клуби билан музокара ўтказаётгани боис ўтказиб юборгани айтилганди.

Бэйл «Реал»да 2013 йилдан буён тўп тепмоқда. Унинг яна 3 йиллик шартномаси бор, унга кўра ҳар йили 17 миллион евро маош олиши керак.