Зидан: "Барселона"ни яхшилаб ўрганиб чиқдик, уларнинг кучсиз томони йўқ"

Мураббий фикрига кўра ўтган йил "Реал" "Камп Ноу"да 2:1 ҳисобида ғалаба қозонган ўйиндан фарқ қилади.
 
"Менмича ўйинда фаворит йўқ, имкониятлар 50-50. Биз "Барселона"ни яхшилаб ўрганиб чиқдик, уларнинг кучсиз томони йўқ", - дейди мураббий.
 
"Биз кучли рақибга қарши оғир ўйин кутаяпмиз, аммо биз тайёрмиз. Яхши ўйин кўрсатиш ҳақида ўйлаяпмиз холос. Ғалаба ёки мағлубият ҳақида ўйламаяпмиз. Яхши ўйнасак, натижа ўзи келади. Агар "Атлетико" билан ўйиндаги каби тезликда ўйнасак яхши натижага эришамиз. "Барселона" бизга қарши "Реал Сосьедад" билан ўйиндаги каби ўйнамайди. Улар амалдаги чемпионлар, чемпион эса доим муҳим ўйинларда яхши ўйнайди", - дейди Зидан.
 
"Барселона" мусобақа жадвалида биздан пастда, уларга очко биздан кўра кўпроқ керак деган гапга қўшилмайман. Месси дунёнинг энг кучли ўйинчиларидан бири. Уни диққат билан кузатамиз. Аммо рақиб сафида хавфли ўйинчилар жуда кўп", - дейди францлиялик мутахассис.
 
"Бу ўйин ўтган йилги класикодан фарқ қилади. Ўшанда "Камп Ноу"га бошқача вазиятда келгандик. Ҳозир барчаси ўзгариб кетган", - дейди Зидан.