ЖЧ-2014даги илк дуранг ёхуд Эрон Осиёга биринчи очкони олиб берди

"F" гуруҳидан ўрин олган дастлабки ўйин бир кун олдин бўлиб ўтган, унда Аргентина терма жамоаси Босния ва Герцеговина устидан 2:1 ҳисобида ғалаба қозонган эди.

Бугун эса Эрон ва Нигерия ўртасидаги "ажойиб" ўйин бўлиб ўтди. Учрашувда форслар энг асосий эътиборни ҳимояга қаратишди, африкаликлар эса катта куч билан ҳужумга ўтаверишди.



Аммо якунда Нигерия ўз ниятига ета олмади, 0:0ни сақлаб қолмоқчи бўлган Эрон бунга эришди. Баҳснинг энг яхши футболчиси деб Нигерия терма жамоаси ярим ҳимоячиси Жон Оби Микель топилди.

Таъкидлаш лозимки, ушбу дуранг ЖЧ-2014даги дастлабки дуранг бўлди. Ҳозиргача бўлиб ўтган 12та учрашувнинг ҳеч бирида дуранг натижаси кузатилмаган эди.



Эрон ушбу дуранг орқали Осиё қитъаси вакиллари орасида мағлуб бўлмаган илк жамоага айланди. Бунга қадар Япония ва Австралия ўз ўйинларини бой бериб қўйишганди.

Жанубий Корея эса Россияга қарши энди майдонга тушади.



Эрон - Нигерия 0:0
17 июнь. 00:00
Бош ҳакам: Карлос Вера (Эквадор)
Ёрдамчи ҳакамлар: Кристиан Лескано (Эквадор), Байрон Ромеро (Эквадор)
Захира ҳаками: Вилмар Ролдан (Колумбия)

Эрон: 12.АлиризоХагиги, 15.Пежман Монтазори, 4.Жалол Ҳуссайни, 5.Амирҳуссайин Содиғи, 23.Меҳрдод Пўлади, 14.Андраник Теймурян, 6.Жавод Некунам, 2.Ҳусро Ҳайдари (7.Маъсуд Шожаи, 89), 21.Ашкан Дежага (9.Алиризо Жаҳонбахш, 78), 3.Эҳсон Хожсафи, 16.Ризо Гучаннажод

Нигерия:1.Винсент Эньяма, 5.Эфе Амброуз, 22.Кеннет Омеруо, 13.Годфри Обоабона (2.Жозеф Йобо, 30), 13.Жувон Ошанива, 10.Оби Микель, 17.Оджени Онази, 11.Виктор Мозес (23.Шола Амеоби, 52), 15.Рамон Азиз (8.Питер Одемвингие, 69), 7.Аҳмад Муса, 9.Эммануэль Эменике

Огоҳлантиришлар: Андраник Теймуриан 75.

#	Жамоа	Ў	Ю	Д	М	УГ - ЎГ	Т-Н	О
1	Аргентина	1	1	0	0	2 - 1	1	3
2	Эрон	1	0	1	0	0 - 0	0	1
3	Нигерия	1	0	1	0	0 - 0	0	1
4	Босния ва Герцеговина	1	0	0	1	1 - 2	-1	0

Нарзулла Сайдуллаев