ЖЧ-2014. Игуаиннинг голи Аргентинани ярим финалга олиб чиқди

Алехандро Сабелья шогирдлари ортиқча уринмасдан Бельгия тўсиғидан ўтишди десак тўғри бўлар.

Сабаби ўйиннинг 8-дақиқасида урилган гол баҳс тақдирини амалда ҳал қилди. Бу вазиятда Ди Мария тўпни Сабалетага оширди, тўп ҳимоячига тегиб Игуаинга борди. Гонсало бундай совғадан унумли фойдаланадиган футболчилар сирасига киради - 1:0.



41-дақиқада Вертонгеннинг пасидан сўнг Миральяс боши билан дарвозага зарба берди, тўп устуннинг ёнгинасидан ўтиб кетди. 55-дақиқада тезкор ҳужумдан сўнг Игуаин Компанини алдаб ўтиб дарвозага зарба берди, тўп дарвоза тўсинига тегиб майдонни тарк этди. Орадан кўп ўтмай Вертонгеннинг пасидан сўнг бўйдор Феллайни жингалак сочлари билан дарвозага зарба берди, бироз ноаниқ.



Ҳакам томонидан қўшиб берилган дақиқаларда Месси бирга бир вазиятга чиқиб бориб зарба берди, Тибо Куртуа тўпни қайтарди. Сўнгги сонияларда ҳисоб тенглашиши мумкин эди. Лукаку тўпни қулай вазиятда туриб шерикларига оширди, Гарай тўпни қайтариб юборди. Вицелнинг зарбаси эса ноаниқ кетди.

Шундай қилиб Аргентина терма жамоаси ярим финалга йўл олди. Унинг рақиби тунда бўлиб ўтадиган Голландия ва Коста-Рика учрашувидан сўнг аниқланади.



ЖЧ-2014. ¼ финал
АРГЕНТИНА – БЕЛЬГИЯ 1:0
Бош ҳакам: Никола Риццоли (Италия)
Гол: Игуаин, 8 - 1:0
Аргентина: Ромеро, Сабалета, Демичелис, Гарай, Басанта, Маскерано, Биглия (Шадли, 75), Ди Мария (Перез, 33), Месси, Лавесси (Паласио, 72), Игуаин (Гаго, 81)

Бельгия: Куртуа, Альдервейрельд, ван Бюйтен, Компани, Вертонген, Витсель, Феллайни, Миральяс (Мертенс, 59), де Брейне, Азар, Ориги (Лукаку, 59)

Огоҳлантиришлар: Азар 53, Альдервейрелд 69, Биглия 75