ЖЧ-2014. Голландия қийинчилик билан "соккерузлар"ни мағлуб этди

Осиё вакили Австралия эса дастлабки турда Чилига 1:3 ҳисобида ютқазиб қўйганди.

Шу боис "соккерузлар" бугун мағлуб бўлишса гуруҳдан чиқа олмасликлари деярли маълум бўларди. Амалда шундай ҳам бўлди.

Ўйиндаги ҳисоб 21-дақиқада очилди. Арьен Роббен чаққон ҳаракатлар билан рақиб жарима майдонига кириб борди ва дарвозани ишғол қилди - 0:1.



Кейинги ҳужумда Австралия ҳисобни тенглаштирди. Жарима майдонига ҳаволатиб ошириб берилган тўпни Тим Кэхилл чап оёғи билан тўхтатмасдан дарвозага жойлаб қўйди, тўп тўсинга тегиб дарвоза ичига кириб кетди - 1:1.

32-дақиқада ўнг қанотдан узатилган тўпни Марк Брешиано яқин масофадан дарвозага аниқ йўллай олмади.

50-дақиқада Уэсли Снейдернинг чамаси 30 метрлардан йўллаган аниқ ва кучли зарбасини Райян қайтариб юборди.



53-дақиқада захирадан майдонга тушган Бозанич рақиб пенальти ишлади ва бош ҳакам Голландия дарвозасига пенальти белгилади. Нуқтадан Майл Йединак адашмади - 2:1.

Орадан 5 дақиқа ўтгач Робин ван Перси Дапайнинг пасидан сўнг тўпни "соккерузлар" дарвозасига йўллади - 2:2.

69-дақиқада Леки қулай имкониятдан фойдалана олмади, қарши ҳужумдан сўнг Морис Депай узоқ масофадан Райянни ожиз қолдирди - 2:3. Ушбу гол Азамат Абдураимовнинг Хиросима-1994даги Жанубий Кореяга урган голига ўхшаб кетди.



Қолган дақиқаларда Постекоглу шогирдлари ҳисобни тенглаштириш учун, ван Галь шогирдлари эса шу ҳисобни сақлаб қолиш ва қарши ҳужумда ўз бахтини излашга уринди.

Якунда Голландия 3:2 ҳисобида зафар қучди ва расман бўлмаса ҳам 99 фоизга кейинги босқич масаласини ижобий ҳал қилди.

Сариқ карточкалари сони иккитага етгани боси гуруҳдаги сўнгги турдаги ўйинда Австралия сафида Кэйхилл, Голландиядан ван Перси майдонга туша олмайди.

#	Жамоа	Ў	Ю	Д	М	УГ - ЎГ	Т-Н	Очк
1	Голландия	2	2	0	0	8 - 3	5	6
2	Чили	1	1	0	0	3 - 1	2	3
3	Австралия	2	0	0	2	3 - 6	-3	0
4	Испания	1	0	0	1	1 - 5	-4	0

ЖЧ-2014. “В” гуруҳи. 2-тур
АВСТРАЛИЯ – ГОЛЛАНДИЯ 2:3
Порту-Алегре. “Бера-Рио” стадиони
Бош ҳакам: Жамол Хаймуди (Жазоир)
Голлар: 0:1 – 20 Роббен,  1:1 – 21 Кэйхилл,  2:1 – 54, пенальти Единак,  2:2 – 58 ван Перси,  2:3 – 68 Депай.
Австралия – Райан, Макгоуэн, Уилкинсон, Шпиранович, Дэвидсон, Единак, Маккэй, Лекки, Брешиано (Бозанич, 51), Оур (Таггарт, 77), Кэйхилл (Хэллоран, 69).
Голландия – Силессен, Мартинс Инди (Депай, 45), Влар, де Врей, Янмат, де Гузман (Вейналдум, 78), Н. де Йонг, Блинд, Снейдер, ван Перси (Ленс, 87), Роббен.
Огоҳлантиришлар: Кэйхилл (43), ван Перси (47).


Нарзулла Сайдуллаев.