Жамшид Искандеров: "Хатолар устида ишлайман"
20 янв 2015 09:00
Новости

Жамшид Искандеров: "Хатолар устида ишлайман"

Илк маротаба Осиё Кубогида асосий таркибда майдонга тушган Жамшид Искандеров ўйиндан кейин ўз фикрлари билан ўртоқлашди.

"Биринчи ўйиним бўлди, асосий мақсадимиз халқимизни хурсанд қилиш эди. Баъзи ҳолларда хато қилдим, бундай вазият ҳар доим ҳам бўлади. Кейинги ўйинлар учун яхши тажриба. Муҳими, натижага эришдик", - дейди Жамшид Искандеров.

- Сизни алмаштиришган вазиятга нима дейсиз?

- Бу мураббийнинг қарори ва уни барчамиз ҳурмат қилишимиз керак. Қолаверса, ўрнимга ҳужумчи туширилди, бу эса ўз мевасини берди.

- Инчеонда ярим ҳимояда Рашидов билан тандем ҳосил қилган эдингиз, ўша турнирнинг фойдасини кўрдик десак бўладими?

- Албатта, бунинг ҳам фойдаси бўлди. Қолаверса, бугун биз ўйлаган режа ҳам амалга ошди. Ўйиндан аввал босимни енгиб ўта олганимиз ҳам асқотди. Мухлисларимиз биздан мамнун бўлсалар бўлгани.

Нодирхўжа Юлдашев

Ссылка :

Источник : championat.asia

Получайте новости прямо в Telegram!

Рейтинг: