"Замора Кубоги"га кетма-кет тўртинчи йил бир дарвозабон эга чиқмоқда
17 дек 2019 10:44
Новости

"Замора Кубоги"га кетма-кет тўртинчи йил бир дарвозабон эга чиқмоқда

Теги : Испания чемпионати Ян Облак Ла Лига Атлетико Замора Кубоги

Бу мукофотга MARCA 1958 йилда асос солган.

Ушбу мукофот ҳар бир ўйинда ўртача энг кам гол ўтказган дарвозабонга берилади. Мукофот афсонавий испаниялик дарвозабон Рикардо Замора шарафига номланади.

1987 йилдан Сегунда дарвозабонларига ҳам ушбу мукофот топширилмоқда.

2018/19 йилги мавсумда Ла Лигада ҳар бир ўйинда ўртача "Атлетико" дарвозабони Ян Облак ҳаммадан кам тўп ўтказиб юборди. Қайд этиш керакки, словениялик посбон бу мукофотни кетма-кет тўртинчи йил қўлга киритмоқда.

2014/15 йилги мавсум ушбу совринни "Барселона" посбони Клаудио Браво қўлга киритган бўлса, ундан олдинги икки мавсумда ҳам ўша пайтда "Атлетико" шарафини ҳимоя қилган Тибо Куртуа "Замора Кубоги"га муносиб деб топилган эди.