Зафар Тўраев: “Рақиб бир киши кам бўлиб қолгач, ғалаба ҳақида ўйладик”

Яъни бунгача “қалдирғочлар” дарвозасига бирорта ҳам тўп кирита олмаган “газчилар” шу куни қуруқ серияга барҳам бериш билан бир қаторда илк ғалабасини ҳам нишонлади. Учрашувда “Машъал”га ғалаба келтирувчи гол муаллифи бўлган Зафар Тўраев ўйиндан кейин ўз фикрлари билан ўртоқлашди.

- Ушбу турда ўз майдонимизда очко йўқотмасликка харакат қилгандик. Чунки ўзингиз билсангиз керак, олдинги учрашувларда имкониятни бой бергандик. Шу боис “Бунёдкор”га қарши баҳсга пухта тайёргарлик кўриб, мухлисларимизни қувонтиришни мақсад қилгандик.

- Ўйин жуда қийин кечди. Лекин ғалаба қозонганимизни барча қийинчиликларни ювиб юборди. Жуда хурсандмиз. Тарихда илк бор “қалдирғочлар”ни мағлуб этдик. Шу кунгача “Машъал” ушбу жамоага қарши ўйинларда хатто гол кирита олмай келаётганини билардик. Нохуш анъаналарги чек қўйганимиздан мамнунмиз. Бизга битта ғалаба зарур эди. Ўйлайманки ушбу муваффақиятдан сўнг йигитларнинг руҳий томондан кайфияти ҳам кўтарилади ва кейинги ўйинларга янада жиддий тайёргарлик кўрилади.

- Очиғини айтганда, “Бунёдкор” билан дуранг ўйнаш ҳам биз учун ижобий натижа эди. Аммо рақиб майдонда бир киши кам бўлиб қолгач, ғалаба ҳақида ўйладик ва ниятимизга етдик. Жамоавий ўйин эвазига ютдик деб ўйлайман. Лекин “қалдирғочлар” ҳам жуда кучли ва яхши жамоа – дейди Зафар Тўраев.

Исломбек Рустамбеков.