Зафар Полвонов олий лигада илк бор хет-трикка эришди
21 июн 2016 13:47
Новости

Зафар Полвонов олий лигада илк бор хет-трикка эришди

Ғузорнинг "Шўртан" клуби олий лиганинг 13-турида "Пахтакор"ни қабул қилиб 3:1 ҳисобида зафар қучди.

Учрашувда мезбонлар ҳужумчиси Зафар Полвонов рақиб дарвозасига 3та гол уришга муваффақ бўлди. Таъкидлаш лозимки, футболчи олий лигада биринчи марта хет-трикка эришди. 2005 йилдан буён олий лигада фаолият олиб бораётган Полвонов бугунга қадар 9 марта дубль қайд этган. Унинг чемпионатда урган жами голларни сони 56тага етди.

Бу мавсумда дастлабки 9та турда рақиб дарвозасига умуман тўп кирита олмаган Зафар охирги 4та турнинг барчасида гол (6та) урди.

Яна бир қизиқ факт: 2016 йилги олий лигада ҳозирга қадар 2та футболчи хет-трикка эришганди. Игорь Таран ("Шўртан") ва Олександр Пишур ("Навбаҳор"). Яъни "Шўртан" клубининг икки футболчиси бу мавсумда бир ўйинда учтадан гол уришнинг уддасидан чиқди.

Ссылка :

Источник : championat.asia

Получайте новости прямо в Telegram!

Рейтинг: +6