"Ювентус" ўрнига футболчи топмаса, Мората "Барселона"га кетмайди
02 янв 2022 15:15
Новости

"Ювентус" ўрнига футболчи топмаса, Мората "Барселона"га кетмайди

"Ювентус" қишда марказий ҳужумчи билан шартнома имзоламоқчи.

"La Gazzetta dello Sport" хабарига кўра, Турин клуби қишда ҳужумчи Альваро Моратани "Барселона"га қўйиб юборишга тайёр, аммо бунинг учун олдин унга захира варианти керак бўлади.

Ёзда клуб "Фиорентина" форварди Душан Влахович ёки "Сассуоло" ҳужумчиси Жанлука Скамаккани таркибга олиб келмоқчи. Шу сабабли "кекса синьора" қишда бирор ҳужумчини ижарага олиши керак.

Айни дамда клуб "Манчестер Юнайтед" форварди Эдинсон Кавани, шунингдек, "Арсенал" ҳужумчиси Пьер-Эмерик Обамеянгнинг вариантини кўриб чиқмоқда. Бунга қадар клубнинг ПСЖ билан Мауро Икарди борасидаги музокараларни муваффақиятсиз якунланганди.

Ссылка :

Источник : La Gazzetta dello Sport

Получайте новости прямо в Telegram!

Рейтинг: