“Ювентус” эрта истеъфо учун Саррига 20 млн евро тўлаши мумкин

ЕЧЛдаги омадсизликдан кейин туринликлар жамоа бош мураббийи Маурицио Сарри билан ўртадаги келишувни бекор қилди.

Манбага кўра, агар шартнома иккала томоннинг розилигисиз бекор қилинган бўлса, у ҳолда Турин клуби 61 ёшли мутахассисга 20,3 млн евро тўлашга мажбур бўлади.

Сарри “Юве” билан 2022 йилнинг ёзигача битим тузганди ва унинг маоши йилига 5,5 млн евро эди. Қайд этиш жоизки, Сарри билан бирга унинг мураббийлар штаби ҳам истеъфога чиққан.