Юрген Клопп Муҳаммад Салаҳ билан тортишиб қолгани ҳақида: "Биз гаплашиб олдик, барчаси ҳал"

Аввалроқ, "Вест Хэм"га қарши баҳс давомида мутахассис ва футболчи ўртасида можаро келиб чиққани хабар қилинганди.

"Барчаси тўлиқ ҳал қилинган, ўртамизда ҳеч қандай муаммо йўқ.

Агарда бир-биримизни узоқ вақтдан бери билмаганимизда, қандай қилиб муроса кўчасини топардик, тўғриси, билмадим. Аммо биз бир-биримизни ҳурмат қиламиз ва чиндан ўртамизда муаммо йўқ.

Биз барчасидан мамнунмиз, иш давомида бундай ҳолатлар бўлиб туради. Шундай экан, йўлимизда давом этайлик"