Ёзги трансферлар вақтида “Челси”ни 10 нафар футболчи тарк этиши мумкин

Мавсумлар оралиғидаги трансфер ойнаси очилган вақтда лондонликлар 10 нафаргача футболчиси билан хайрлашиши мумкин, дея хабар бермоқда The Times.

Нашр хабарига кўра, Маркос Алонсо, Эмерсон, Курт Зума, Андреас Кристенсен, Рос Баркли, Миши Батшуайи ва Тьемуэ Бакайокога бўладиган трансфер таклифларни  “аристократлар” раҳбарияти кўриб чиқишга тайёр. “Арсенал” билан музокара олиб бораётган Виллиан жамоани тарк этиши ҳақиқатга яқин. Дарвозабон Кепа Аррисабалага эса ижара асосида бошқа жамоада тўп тепиши мумкин. 

“Челси” жорий мавсумда АПЛ турнир жадвалида 66 очко билан тўртинчи ўринни эгаллади.