Ёш хоразмликлар мусобақа ғолиби
24 апр 2015 14:02
Новости

Ёш хоразмликлар мусобақа ғолиби

Бухоро вилоятининг Пешку туманидаги ихтисослаштирилган футбол мактаб-интернати ташаббуси билан 2002-2003 йилларда туғилган “чарм тўп” усталари ўртасида республика очиқ биринчилиги ташкил этилди.

Унда мезбонлардан ташқари Тошкент, Қашқадарё, Хоразм, Навоий вилоятларидан 8 та жамоа иштирок қилди.

Якуний натижаларга кўра, Урганч шаҳридаги 5-сон футболга ихтисослашган мактаб-интернати (мураббийи Одамбой Қурбонниёзов) тарбияланувчилари ғолибликни қўлга киритди. Иккинчи ўрин Тошкент вилоятининг Бекобод шаҳри вакилларига насиб этди. Фахрли учинчи ўринга Шофиркон ФМИ жамоаси жойлашди.

- Футбол йўналишидаги мактаб-интернатлари жамоалари ўртасида ўзаро ҳамкорлик алоқаларини ўрнатганмиз, - дейди мусобақа бош ҳакам А. Бозоров. – Ўз навбатида биргаликда мусобақалар ўтказишни йўлга қўйганмиз. Бундан кўзлаган мақсадимиз шуки, ёш футболчиларимизни, тактик ва техник жиҳатдан юксак савияли, яъни амалий томонлама етук тарзда вояга етказишдир.

Икром ХУДОЙБЕРГАНОВ

Ссылка :

Источник : oq-tepa.uz

Получайте новости прямо в Telegram!

Рейтинг: