Хуршид Ғиёсов: “Бу сафар бизнинг омадимиз келмади”
14 мар 2017 16:59
Новости

Хуршид Ғиёсов: “Бу сафар бизнинг омадимиз келмади”

Кеча Тошкентнинг “Бунёдкор” клуби ўз уйида ОЧЛ мусобақасининг гуруҳ босқичида Эроннинг “Зобоҳан” жамоасига қарши баҳс олиб борди ва 0:2 ҳисобида имкониятни бой берди.

Ушбу баҳсдан сўнг “қалдирғочлар” футболчиси Хуршид Ғиёсов ўз фикрлари билан ўртоқлашди.

“Биз “Зобоҳан”ни мағлуб этиш учун майдонга чиққандик. Қўлимиздан келганча рақиб дарвозасини ишғол қилиш учун ҳаракат қилдик. Аммо қарши ҳужумда ўз дарвозамиздан гол ўтказиб юбордик. Бир киши кам бўлиб қолганимиз мағлубиятга учрашимизга сабаб бўлди, десам ҳам бўлади.

Ҳар бир учрашувга руҳан тайёрланиб майдонга чиқамиз. Футболда ҳамма нарса бўлиши мумкин. Қолган учта учрашувнинг барчасида ғалабани қўлга киритишга ҳаракат қиламиз. Бу сафар бизнинг омадимиз келмади. Омад кўпроқ “Зобоҳан”га кулиб боқди”, - дейди “Бунёдкор” клуби футболчиси Хуршид Ғиёсов.