"Хўжанд" Андрей Сидоров билан хайрлашди

Шарафжон Солехов, Манучехр Сафаров, Муҳаммадшарифи Саидхўжа каби футболчилар билан бир қаторда жорий мавсум бошида жамоа сафига келиб қўшилган ҳамюртимиз Андрей Сидоров ҳам "Хўжанд"ни тарк этди. Бизга етиб келган маълумотларга қараганда  Сидоров пандемия сабаб клуб ихтиёрига етиб бора олмаган. Икки томон ўзаро келишган ҳолда ўртадаги шартномани бекор қилишган.

 Эслатиб ўтамиз, бундан аввал жамоанинг сербиялик мураббийи Микола Лазаревич ҳам ўз юртига кетган, авиақатновлар тўхтатилгани сабабли қайтиб кела олмаганди. Ҳозирда "Хўжанд"ни маҳаллий мутахассис Ҳаким Фузайлов бошқармоқда.